الصراحه الدكتوره رزينه وراقيه جدا شرحها جدا وافي وكافي اذكر مره سوت لنا تجربه وخلتنا نجرب المقرر ومثلت انها طرف في المقرر حتى طلعت ورجعت تدخل عشان ترسخ المعلومه وفعلا وانتي تذاكرين وانتي تختبرين تذكرين شرحها الصراحه ممتازه ربي يسعدها ويتمم لها على خير ويقومها بالسلامه🤍
شوفو للأمانه هي تشرح بس ياخي الواحد يبي قريد زي الناس بعد فا نصيحتي لكم الفرااااار الفرار حافظو على معدلاتكم 🥰🥰
يعني عاديه محترمه شرحها ممل ما اتوقع عطتنا بونس ومستحيل ترد عليك مستحيل تصحيحها مو سيئ بس لازم تنقص لو ربع
شرحها مره حلو واسلوبها لطيف برضو بس اختباراتها يبيلها جهد لان تحب العملي وفعلًا تدرسك شي جديد وتطلعين وانتي متعلمه شي مو اي كلام، مشكلتها التواصل ماش شوي ماترد بس عمومًا كويسه اخذ معها مره ثانيه لانها تمشي وتاخذ بالفهم
انا بقول الحق الصراحه مره اختباراتها صعبه تجيب من بين السطور و السلايدات كثير كثير بشكل متعب و تشرح كانك فاهمه كل شي ، و صعب الوصول لها ولا ترد ايميل ابداً يمكن ردت مرتين ثلاث لكن التكليف حقها كان ممتع يهيئك لسوق العمل لكن دراسه وشرحها مره لا ومستحيل اخذ عندها مره ثانيه والله يستر من الفاينل 💔
كلاس ممل جدا تدخلينا عشان تطلعين السلايدات كثيره بشكل يروع بس اختباره سهل مره مره وتكليف حقه بعد سهل بس تنقص على أشياء تافه بس تنقيص مقبول ارجع اخذ معها إذا مافي غيرها بس الحق يقول راعت مره بتصحيح واتوقع انها زايد الدرجات ايه صح نحذف بالفاينل بس إذا قعدت تزعجونه غير كذا ماتحذف
خذوا عندها وأنتوا مغمضين ! كلاسها جدًا ممتع وتطلعون فاهمين المادة من A to Z ، شرحها يبرّد القلب وأسلوبها سلس وتحببك بالمادة حتى لو كانت صعبة كمان تفيدكم من ناحية سوق العمل وتهيأكم له وتعطيكم نصائح من ذهب فعليًا ! من جد من أفضل الدكاترة اللي ممكن تمر عليكم ، الله يسعدها ❣️
الاختبار عباره عن مقالي السؤال الوحيد الي كان موضوعي الصح والخطأ جابت عرفي وقارني مع ذكر امثله حرفيا اكثر درجات الاختبار على العملي وطريقة صياغتها لاسألة العملي مو واضحه ابدا يعني ماتعرفين وش تبي هي بالضبط بس الاختبار مقدور عليه