ترد على الايميل بسرعه الله يجزاها خير
الدكتوره صراحه عسل السب عليها اوفر من ناحيه البونس اذا فيه بونس بتعطي ماراح تحرمكم بتساعد بالحد المسموح لها
اختبارنا الفاينل بعد اسبوع ولحد الان مانزلت المجموع
مرنة في الحضور و لانصراف
الله يسعدها يارب اختباراتها سهله وواضحة بس تحتاج تركيز بالمذاكره عشان الاسئلة المقالية الواجب سهل جدًا من ١٠ درجات وحذرت البنات الي ينسخون من بعض ترا تعطي صفر، المشروع سهل ولكن لازم تشتغلون صح وتمشون على متطلباتها ولا ترا بتنقصون وأفضل شيء تعطيكم فرصة تعدلون أخطاءكم في الفيز الي بعده وتعدل الدرجة، الفاينل كان واضح جدًا ولو سوت لكم مراجعة ركزوا فيها ترا مره مهمه.
الدكتوره شخصيتها لطيفه جدا و مريحة نفسيا رغم ان الماده صعبه الا ان فكرة اني معها مهونة لي الماده (شي ما كان بيصير لو كنت مع الدكتوره الثانيه) شرحها مش ولا بد تجتهد مره بس مو دايم توصل المعلومه ، المشروع تعطيك ملاحظات تفيدك ما تنقص كثير ، تلغي محاضرات كثير و متعاونه لو كان عندنا بنفس اليوم اختبار حتى لو انه بعيد مره عن وقت كلاسها تخليه لنا اونلاين، سوت لنا مراجعه قبل الفاينل لو ما سوتها ما عرفت احل ،بالجامعه نادر ما تلقون دكتوره ما تستنزف طاقتكم عسل الله يسعدها يارب و يجزاها الجنه
نادرا ما اكتب لكن مس امل من افضل التيتشرز اللي درسوني، طيبه وبشووووشه جداً واسلوب وادب ذوق الله يسعدها يارب، ك شرح صراحه مو الافضل لكن مستعده ارجع اخذ معها مليون مره على الاسلوب والنفسيه العسل
كشرح كنت التهي بكلاسها كثير ممكن المشكلة مني لكن المادة مو ثقيلة وهي عسل صراحة، اختباراتها حلوة بالذات الفاينل الله ييسر لها ويسعدها، اذا كنت مخيرة بينها وبين راما اكيد هي
ما نزل القريد للان للامانة شرحها يبيلك ترجعين لمصادر اخرها، لكن عادة يزعل الموضوع الا معها الصدق اني راضية، لانها انسانة بشوشة وايجابية غصب تحببك فيها وتحترمينها، احترم جدا انها سهلة التواصل وترد على ايميلك بسرعة. البروجكت رغم انه بديناه متاخر بعد رمضان اذكر انها ماشية معنا حبة حبة وتمدد وقت التسليم للفيز اذا احتجنا، وتساعدنا وترد على اي استفسار. واذا نقصت وعدلتي الخطا ترجع الدرجة بالفيز اللي بعده. وكنا نرسل الفيز بدري قبل التسليم وتعطينا نوتس مفصلة ونعدل عليها ونسلمه🤍 الله يسعدها عسل ولله
درست Dss معها مره كويسه من ناحية التصحيح والبروجكت والفيدباك والتعامل والحضور كل شي كويس ممكن الشرح مو اللي يثبت بمخك بس هي مادة نظرية مايبي لها شرح افضل دكتورة بالقسم وتدور لك الدرجة🩷🙏🏻🙏🏻 الله يوفها ويسعدها