أسوء دكتوره مرت علي بحياتي التعامل صفر و ما تعطي اي طريقه تواصل زي الاوادم لازم مع الحمام الزاجل و حتى لو وصلتها الرساله ب الحظ ما ترد عليها و تسفه و إذا جيتيها بالجامعه تسحب عليك و إذا مره مروقه ذاك اليوم ب تسلك لك الشرح ما ينفهم و ما تمشي على الجدور النازل من بدايه الترم مشاكل تبي تغير ماده ٣ ساعات كانت تاخذ في ٥-٦ و تموت ولا تدف حتى ب نص
لطيييفة مرره الدكتوره المادة شينة الله حق والكلااس طوييل اذا ركزت معها افهم بس ماكنت اركز اعتمدت على مصدر ثاني. الاختبارات تعتبر سهلله بس لازم تدريب خصوصا العملي بس تكاليفها كانت كثيرة كل شوي تطلب شي مره قالت اسوي لكم كويز بنص المحاضرة بعدين قلنا مانبي خلتها ملخصات لكل تشابتر ومره كان كثير وتعب خصوصا اوقات الضغط ماحسيت يسوى. تعاونت معانا بالمجموع الله يسعدها وتساعد بالاختبارات
الصدق مو كل الكلاسات ركزت بس ندمت انصحكم تركزون ترا شرحها مو سئ ، هي تهول مره ازعجتنا من بدايه الترم تقول الماده ما بتتلمش وبميد ١ بتحسبونها تبالغ لان بيكون مره تافه بس ميد٢ بيمقلبونكم ف انتبهوا ترا صدق الماده ما تنلم بيوم وليله بالذات ميد ٢ ذاكرروا العملي من الواجبات ترا جابوا نفس طريقه الاسئله انا ما ذاكرتها وتجحفلت وبعد ما طلعت شفت انها حرفيا نفس الاسئله ، النظري دايم يجي من الواجبات ، ركزوا على الواجبات بكل الاختبارات مره مهمه ونصيحه من وحده تجحفلت دكتورة العملي "بيان" لحد يعتمد عليها
شرحها حلو وانصحكم تركزون معاها تسهل عليكم المادة كثيير انا ماكنت اركز ويوم ركزت اكتشفت انها تسهل المادة جداً ف ركزوا معها من البداية طيبة ومتعاونة جداً 🩷
تحتاج مصدر ثاني لفهم المدة
اول شي لازم تلاحقينها بدرجات اختبارك ممكن تصحح غلط ومستحيل تغيب ومايمدي تاخذين من مصدر ثاني لازم شرحها ف ماتقدرين تغيبين لكن تحيب اسئله نفس اللي تسرحها بالضبط وترا غالبا تجيب نفس اسئله الواجب يعني اذا ركزتي معها تجيبين صح واذا مرت عليك بالاختبار وقالت لك غلط مو شرط غلط سوتها بكم بنت تتلخبط هي كثييير
هي شرحها حلو لكن صدقًا مايجي شيء منه بالاختبار لانه موحد طيوبه وتضحك فرفوشه لكن كماده ودرجاتي غير راضيه للاسف من القسم وحركتهم بالفاينل لنا ظلمونا
بالنسبه للاختبار صح انه سيء بس مارح اعلق عليه لان ما بيدها شي بس بالنسبه لشرحها هي افضل وحده تشرح من بين جميع دكاترة الكمي ماترد عليكم الا يا دووووب والتحضير من البلاك بورد عموما هي افضل الموجود اذا تدورون على شرح
الصراحه هي كويسه واسلوبها وتعاملها لكن تحتاجين مصدر ثاني للفهم وانا اعتمدت على هدير وهي اللي فادتني الصدق+ تاخذ الحضور من البلاك بورد+ فجاه بنص الكلاس تسال سؤال واللي يجاوب عليه تعطيه بونس ف ركزوا معاها+ تحب تجاوبون معاها مايك وتتفاعلون طول الكلاس
شرحها حلو وتحاول تفهمك قد ما تقدر ومتعاونه مره يعني اذا طلبنا منها تكنسل الكلاس تكنسل واذا القسم رفض انها تكنسله تقول لنا مارح احسب الحضور ومرات تاخذ حضور ومرات تنسى وتسحب اما بالنسبه للماده فهي غثي/ثه وطبعاً الدكتوره مالها دخل الماده موحده ما بيدها شي