الجوهرة آل الشيخ

الله يوفقها ويسعدها من ارقى الدكتورات بالجامعة لطيفه وتشرح زين وتعامل جيد جدا وتتساهل معكم ودايما تعطي اعذار وترد على جميع الاسئلة لو بنزل سلم مره ثانيه اكيييد بحرص اني انزل عندها

التقييم بدون تعليق

تجبرك تحترمينها 💚

درست عندها اونلاين اكثر من رائعة متعاونة وعادلة جدا وعطت بونس درجتين بالميد اختبارها سهل ومباشر

الدكتورة واضحه ، بدايه الترم ارسلت لنا ملفين توزيع الدرجات واوقات تسليم التكاليف ، كانت اعمال السنه عبارة عن عرض وبحث ، البحث كل البنات اخذو فيه كامل مع انه كان عندها بعض الشروط ، العرض كانت مرره متساهله فيه وكل البنات اخذوا كامل ، الميد حقها وسط الاسئلة كانت سهله بس فيه كم سؤال شوي بين السطور فاذا انتي مذاكرة زين بتجيبين كامل ، الاسئلة كلها اختياري ، التحضير كان بدايه الكلاس بس كانت متساهله واذا تاخرتي شوي تحضرك عادي

الله يسعدها و يوفقها 💚

الله يسعدها ويوفقها أخلاق وجدًا متعاونة ومتجاوبة معنا كانت تجاوب عن كل الاسئلة بسرعه وبالتفصيل عن طريق الليدر وتكاليفها انا اخذت اكثر من سلم واشوفها طبيعيه والاختبار معقول جدا البنات مبالغين مدري كيف يبونه ، عموما دكتورة قمة الاخلاق والاحترام وحتى بالميد تساعد وتوضح لك السؤال اذا ما فهمتيه وعطتنا بونص اكثر من درجه❤️

عسللل تسوي اب قريد مستغربه من الي يقولون ما تعطي بونس، اسئلتها شويي صعبة بس اعتقد السبب ان المادة نفسها صعبة

اخذت عندها هالترم سلم ١٠٧ وكنت خايفه مره من تقييمها لكن طلعت مرره عسل وتراعي كثيير في الحضور والغياب صح تحضر كل محاضرة بس تراعيك واسلوبها جدا لطيف والتكاليف كانت سهله وواضحه والله يسعدها ماقصرت عطتنا بونس وماقصرت علينا بالدرجات ابد الله يسعدها وشرحها مره حلو واسلوبها احلى

جيت اقيّم من باب احقاق الحق، والله الدكتورة تجنن خذيت معها المادة أونلاين وكان فيه تكليفين واحد جماعي وواحد فردي، اسلوبها حلو وترد على كل اسئلتنا على طول، اغلب الدروس كنا نشرحها حنا ( يعني التكليف الجماعي هو شرح ) بس لما تشرح هي ماشالله شرحها رهيييب وكلامها وأسلوبها مره زين فالبداية خفت من كلام البنات اللي هنا، اختبار الميد كان شوي بين السطور بس عادي اللي مذاكرة زين بتحل، وعطتنا بونس، شوي تهتم للحضور تاخذه بداية المحاضرة وبس والله اذا حصل انزل عندها مره ثانيه 100% بنزل ( مدري عن الحضوري)