الصراحة الدكتور نائف تجربة الدراسة معه مثرية ومفيدة وبتتعلم أشياء ممكن ما تاخذها الا بالتخرج لكن كرف غير طبيعي بيصير السهر عادة وأسلوب حياة عندك وبتتأثر باقي المواد عندك بالترم، لكن صراحة نهاية الترم بتحصل اثر التعب والانجاز بيطلع شغلك فنان واسطوري وخصوصًا لأنه تصميمك انت الدكتور ماراح يرسم لك بس بيوجهك نصيحتي اذا انت مب قد الكرف لا تنزل عنده لأن بيخليك تحذف بالنهاية وبالنسبة للدرجات توقعت أسوء من كذا بكثير لكن بيعطيك حقك وزيادة شوي
القووووت، افضل دكتور درسني في الكليه اذا تبغى تفهم وتطلع بشغل جامد ويأسسك صح نزل عنده وانت مغمض لأن حرفياً بيكرفك كرف مب طبيعي لدرجه تنسى المواد الثانيه وتركز على مادته ويلا تلحق تسلم المطلوب بس راح يخليك تطلع افضل ماعندك وبتصير فخور في شغلك اخر الترم، اذا انت ناوي تشد حيلك وتفهم وتتحمل ومستعد للكرف نزل عنده غيره انحشششش لأن بيخليك تحذف
اكثر كلاس ممتع في يومي
معايير الدرجات غير واضحة
التقييم بدون تعليق
التقييم بدون تعليق
بنصف الرجال الاعظم بالشرح بالكليه تدخل عنده تطلع فاهم كل شى عطاك اياه مشكلته او مشاكله اخذ اوقات الاجازات لي حل المشاريع ويعطيك في كل اجازه ١٠ رسمات يقولك هديه ويخليك تسهر بالكليه ٢٤ ساعه يضغطك ضغط موب طبيعي اتذكر الدكاتره الثانين كانو طلابهم مايقعدون يوم بالكليه وحنا ٢٤ ساعه ومن ناحية الدرجات يعطيك حقك
متعاون ومحاضراته ممتعه اكيد ضغط بالنهاية التخصص كله ضغط مايحب الغياب يحب اللي يجيب شغل دايم حاول تبين اهتمامك لكلامه وعدل اغلاطك التكاليف كثيرة بس ممتعة لان الشغل فري هاند فتتمرن عالسرعة والسكتشات (اذا ما راح تشتغل وتتعب لا تنزل نصيحة)
افضل دكتور فالكلية تعامل ممتاز واخلاق عالية ورجل موسوعي عنده كم هائل من المعرفة يعطيك كل شيء تحتاجه لدرجة كنا نروح له المكتب فالليل ويوم سبت ونلقاه موجود ومرحب ومتعاون تجربة الدراسة مع هذا الدكتور لاتعوض لأن هذا الرجل معلم بكل ماتعنيه الكلمة من معنى وكذلك منصف فالدرجات ومحترم الى ابعد الحدود نائف افضل دكتور فالكلية
ياخي داخل كلية عمارة تبي تفهم ولا تتدلع؟ ذا الدكتور الله يوفقه بيأسسك صح وبيعطيك حقك بالدرجات حسب شغلك. ويعملك اشياء المقرر ما يحتاجها دائما تلاقي نفسك سابق باقي الشعب بالمعلومات والدقة باختصار بتطلع معماري فاهم من بعده. بس ضريبة الفهم ان التكاليف بتطول فيها شوي. الله يوفقه ويرفع قدره