افضل واحد ممكن يشرح لك المادة ، واجباته كثيرة بس تحلها صح وتحفظها بتاخذ فل مارك
انا اشوفه ممتاز جدا لان شرحه اسطوري اذا ركزت معه واي شي مافهمته اساله وبيفهمك زين الواجبات كان كل اسبوع واجب وطويل للامانه اذا ماركزت معه مارح تحل الواجب صح لانه يحله لك عالسريع ويفهمك طريقته الاختبارات اذا انت فاهم الواجبات زين بتحل زين فيها لان نفس الافكار والاسئلة والتحضير عنده نهاية المحاضره ولا يقول شي عالتاخير وتقدر تناقشه عالواجب اذا نقصك فيه عادي مايقول شي لو اشوفه بمادة ثانيه بنزلها عنده
المادة باختصار: ٢٠د عملي مضمونة اذا تحضر وتفهم الاجهزة وتسلم تقارير ١٠د واجبات.. وهذي اهم شي الاختبارات كلها افكارها ماتخرج عن الواجبات، من ناحية صعوبتها اي صعببة وتاخذ من وقتك الكثييير وتصحيح الدكتور دقيق فيها، ٧٠د ميدين وفاينل.. تضبط الواجبات صحح تضبط الاختبارات بالنسبة للدكتور كان معي متعاون جداً اذا عندك اسألة تخص الواجبات سواء قبل تسلم ولا بعد ماتسلم وتبي تعرف اخطاءك.. عنده ساعات مكتبية انشب له فيها وبإذن الله بتجيب قريد، والي يدور دف ماراح يلقاه عنده.
يطلع عينك بالواجبات كل اسبوع واجب يهد الحيل لكن الصدق اذا حليتها بنفسك وعطاك درجة حلوه ذاكر منها وبتجيب فل مارك لأنها بتجي نفسها اذا نقصك بالواجب صحح خطأك اللي منقصك عليه عشان تذاكرها بالاختبار يعطيكم اسأله الواجب و يحلها لكم واحد واحد عالسريع انت اكتب الحلول معه بسرعه عشان يمديك تحلها اذا كان عندك نقطه مافهمتها ولا شي مستحيل يدف ومستحيل يحرم لكن الصدق شرحه لو بتركز معه تطلع فاهم %100 انا اذا ركزت معه احل الواجب بسهوله لكن غالباً اني امل واسرح ويصير حل الواجب صعب
دكتور شرحه مثل وجهه وواجباته مختلفه عن شرحه واذا غلطت ما يقولك وش الغلط ولا وش تصحيحه يعني ما يبيك تتطور بالماده ولا تفهم واختباراته مستحيل تحل فيها، شعبه تبدا ٣٠ طالب ما يكمل معه الا ٥ ولا ٤
التقييم بدون تعليق
واجبات صعبه وكثيرة يعني كل كل محاضرة واجب مكون من ٧ اسئلة ع الاقل وكلها حسابية واختباراته صعبه يبيلك تكون فاهم مررررره