مجدي الريس

شرح ممتاز واختبارات سهله ودف في الاخير الصراحة مظلوم فالتقييم هذا مدري هو تغير ولا هوالين الشباب

تقريبا افضل واحد يشرح بالمادة،لكن بالنسبة ل الدرجات مارح يعطيك حقك خاصة في المشروع أو العملي،والكويز مفاجئ تغيب فيها راحت عليك والحضور مره شديد تتأخر ثانية يقفل الباب.

بكل صراحه الدكتور مجدي افضل دكتور شفته يشرح بحياتي والماده معه ممتعه وتفهمها فهم كامل وتطلع وانت تحس انك انجزت شيء فعلا…لكن انسى تجيب معه قريد يرضيك مستحيل تطلع بقريد ممتاز وهو اصلا رافض فكرة ان الطلاب يجيبون أ+ ونادر جدا الي يجيب أ مع ان الماده سهله جدا وبسيطه وممكن عند غيره تجيب أ+ وانت مغمض لكن عنده شبة مستحيل انا انصح فيه اذا ما يهمك القريد …يعطيك مشروع مستحيل تجيب فيه فل وممكن يسفل فيك حتى لو شغلك ممتاز لكن مع قروبنا ما شفت اي اشكال، اذا ودك تتعلم الماده صح ادخل عنده وان شاء الله تجيب قريد

الدكتور شرحه ممتاز ولكن التحضير عنده سيئ جدا وتعامله سيئ جدا والدرجات عنده صعبة جدا شدييييييد في التعامل والدرجات

الدكتور مجتهد بالشرح ويسعى انه يفهم وشرحه كويس لكن المادة مادة حفظ عمومًا ، تعامله برا القاعة او خارج المادة جدًا ممتاز ومحترم ومن افضل الدكاترة تعامل خارج المادة ، لكن لو نزلت عنده يكون الوضع مختلف وخصوصا الدرجات شديد مره ممكن اذا بقالك على النجاح يدفك شوي على كلام البعض لكن مايدف بالقريدات الا ممكن اللي مايغيب ولا مره يدفه شوي لانه هو يقدّر اللي يحضر ، عموما اذا فيه دكتور ثاني غيره نزلها عند غيره افضل

التقييم بدون تعليق

شرحه اقل من عادي ومادته مادة حفظ اصلا اختباراته تقدر تقول سهلة الخيارات من الكتاب والمسائل من السلايدات بالارقام بس يغثك بالصور لازم تحفظها وتحفظ اسمها لانه بيقول ارسمها تحضيره شديد يقفل الباب من اول دقيقة كويزاته مفاجئة وصعيبة وما يغيرها بين الشعب فرح للشعبة الثانية

درست عنده أساليب 1 شديد جداً بالتحضير ويقفل الباب بعد بداية المحاضرة بوقت قصير كويزاته المفاجئة صعيبة وغالباً أول شعبة تختبر درجاتهم 0-3 من 5 تصحيحه للميد بطل ويعطيك درجة ماكنت تتوقعها

بدون مبالغه أسوء دكتور في الكليه لا تعامل والا اخلاق واختباراته من اصعب ما يكون والله على ما اقول شهيد.

الدكتور شرحة جيد جدًا لكن تعامله من اسوأ ما شفت بس يهاوش ويصارخ على كل شي واذا تاخرت ٥ دقايق ما يدخلك المحاضرة ،، اههههررربب