محترم جدًا وبعض الأحيان المحاضرة تكون عن بعد، شرح الدكتور للدروس ممتاز وإذا مافهمت شي وسألته ماراح يقصر معك و اختباراته جدًا سهلة والله كان يقول لنا عن أشياء بتجي بالفاينل وفعلًا جت بالضبط الله يسعده ويوفقه يارب
اختصرها لك ؟ شفت اسمه انحش انحش انحش والله انحش لنه بيعقد حياتك وحتى لو المادة تحبها تكرهه لن مايهم تفهم ماتفهم يهمه ان القسم بس مايكلمه يقوله ليه متاخر ف المنهج انحشو منه والله انحشو ما اقول الا الصحيح ولحد يصدق التعليقات الي تمدحه
مستغرب من الاراء القديمه، الدكتور جدا محترم وما اساء لأي طالب ب اي شكل، شرحه ممتاز ويحتاج تركز معه بالمحاضره لان اذا ماتفاعل معه احد بيبدا يسال، ومن ناحية درجات كان التقسيم واضح جدا اختبارين وتكليف ٢٠ درجة والاغلب خذا ٢٠ لان التكليف سهل، ومن ناحية بونس، اذا كنت تلتزم بالحضور وغيابك قليل او تشارك ف بيدفك ، انا كان باقي لي درجتين على A+ وعطاني اياها ، الله يجزاه الخير.
اشفق عليه بشدة، يقولنا اختباركم بالوقت الفلاني ثم ينساه، غير علينا يوم الاختبار مرتين بدون مقدمات، ما يتعاون مع الطلاب، يحب يخرب على الطلاب ويحرجهم ويستهزئ فيهم والله على ما اقول شهيد، بقالي نصف درجة على الـA+ ولم يعطني اياها، كان يعاملني معامله عاديه الين عرف قبيلتي وانقلب علي.
ممتاز جداً لازم كل الطلاب يقرون طول الترم 5 قراءات ماتهم قراتك صح او خطا اهم شيء تقرا وتاخذ اخر الترم 10 درجات والميد سهل مره والنهائي جايب نفس المد بالضبط وقطعه عليها اسالة انصح فيه
اننننحححححش نصيحه انحش دكتور غريب
تعامله جيد شرحه ممتاز لازم تركز معه لانه يحجر كثير ، الدرجات مابي احطها بذمتي لاكن غير منصفه ابداً وشبه عشوائيه لازم ينقصك بشي اختباراته من متوسطه الى صعبه تضيع شوي خصوصاً بالميد .
الدكتور مقسم المحاضرات إلى جزئين جزء يشرح فيه المنهج والجزء الاخر وهو الاكثر تكرار خلال الترم يخلي كل محاضرة مجموعة من الطلاب يقرون جزء من نص مختلف كل محاضرة سوى كانت القراءة صحيحة أو مشبوبه بأخطاء أما بالنسبة للإختبارات فهي اختبارين خلال الترم غير النهائي الأول يكون من خلال السلايدات ويكون متنوع مابين صح وخطا واختيارات وعدد والاختبار الثاني عبارة عن نص مقروء وعليه اسئلة والاختبار النهائي مزيج من الاختبارين. تقسم الدرجات كان 25 الأختبار 1 25 الأختبار 2 5 درجات لكل قراءة خلال الترم 5 درجات أختبار للقراءة نهاية الترم ولكل في اخر الترم الدكتور الغاها وجعل لك من اكمل 5 قراءات الحصول عليها
القريد عنده سهل جداً الاختبارات صح وخطا واختيارات وعدد 3 فقط والنهائي يجيب نفس المد + مقال عليه اسالة انصح فيه
درست عنده مهارات كتابة عن بعد الدكتور شرحة ممتااز جدا وتعاملة راقي مع الطلاب، اعمال السنة مقسمة على تكاليف وميدين التكاليف تاخذ درجة كاملة مباشرة والميدات كلها صح وخطا وخيارات والمد الثاني حط سؤال (اكتب مقال) النهائي كله خيارات وفيه كثير اسئلة متكررة من الميد. بشكل عام كل شي عنده سهل ولا يشغلك بمادته والدرجات عنده ممتازه وما يدف ابد تاخذ نفس درجتك بالضبط وسهل مره تجيب عنده جريد.