الايجابية الوحيده فيه هو تصحيح الكلاس وورك يعطي درجات كويسه مقارنه بالدكاتره الباقين. نصيحتي اذا هذي ثاني مره تنزل الماده و ماتحتاج شرح نزل عنده عشان درجات الكلاس وورك اما اذا اول مره تنزلها دور غيره افضل
دكتور ثقيل طينه ونفسيه ,, كانت محاضرته عندنا 8 الصبح يوم الأحد ودايم يجي منفس ويشرح بدون نفس ويحس نفسه متكرم عليك إنه جاي يشرح وهو شرحه زي ال**** ,, الي يغبن إنه كل شوي يقول الي مافهم ولا يحتاج شيء يجي يكلمني وإذا رحت سألته ولا كلمته يفصل عليك ويعصب. غير ذا كله يطلبك تسلم الكلاسوورك بنفس اليوم يعني خذ لك الضغط الي بيصير عليك لو محاضرتكم عنده بأول يوم بالأسبوع, الإيجابية الوحيدة الي عنده إنه سمح من ناحية التصحيح مايدقق زي باقي الدكاتره بس لا يغرك تراه مايدف اللهم إنه سمح وبس.
نص الشعبة حذفوا بسببه
افضل دكتور في تصحيح الكلاس وورك . الطلاب ظالمينه لانهم حرفيا يقعدون على رسماتهم
في الكلاس ورك تصحيحه زين اما الباقي سيء احضر محاضرته واقعد بالزاويه ولا تساله ابدا ابدا ابدا يزعل اذا محد ساله واذا سالته يهاوشك ما تدري وش وضعه محد كان A+ قبل الفاينل ولكنه دف فقط الي حول A+
أكثر شيء لاحظته على الدكتور أنه ما يراعي الطالب ولا يعطيه من وقته. وهذي مثالين تتكرر : ١- المحاضرة ساعتين يشرح بنص ساعة ثم يروح لمكتبه وتجيب له الحل هناك ( لازم بنفس اليوم ) ويعطيك حل الرسمة : هذا أكثر شيء خرب علينا ، صرنا ننسخ الرسمة عشان نروح نسلمها ونمشي. ٢- الاوتوكاد يشرح الخطوات بشكل سريع مررة ما تقدر تلحق معه ، واذا قلت له يعيد النقطة بيفصل عليك.
يا ناس الي ينزل عنده ينحاش والله مو مبالغه بداية الترم كنت اقول مقدور عليه والطلاب يبالغون بس نصيحه اهرب، اول شيء الكلاس وورك تسلمه بنفس اليوم وما يقبله ، ثاني شيء إذا سألته ينفس مره ويرفع صوته، وكثير مرات يحضر المحاضره ولا يشرح، والله اني منقهر خسفني بالكلاس وورك خسف ومابديت أتعدل إلا يوم اشتركت مع خصوصي، إذا انت حاس ان يمديك تعطيه الوقت كمل، بس عشان المواد بالترم الاول الإعدادي صعبه يكون صعب انك توازن بين كل مادة ومادة، وبالتوفيق للجميع.
شديد في التحضير و وقت الدخول
تحتاج مصدر ثاني لفهم المدة
اللي درسوا عنده قيموه لنا وهل يشرح عربي ولا انجليزي