مستحيل اخذ عنده مره ثانية
خلوق ومحترم ويسر بالتعامل وكلاس ممتع وأظن انه افضل دكتور بالمقرر من الناحية هذي لكن للاسف اختبارات صعبة نص مقالي تعبّر ونص خيارات دسمه + 7 كويزات (مفاجئة) + ثلاث واجبات طويلة + اثنين بريزنتيشن قروب + يعطي بونص للي يشارك دائمًا .. باختصار بيكرفك كرف كأن مافي مادة غير مادته ؛ وعمومًا اذا انجليزيتك (كويسة مره) وتحب مواد الادا نزّل عنده ومحدثكم معدله 4.67 عشان ما يجي احد مدرعم ويحسب اني ساحب
اذا تبي تكره حياتك نزلها عنده ، اصعب من مواد المالية و المحاسبة
الدكتور شرحه حليل وتعامله كان زين بالترم كامل ولا تشيل هم التحضير عنده ،بس انه فجأة تشيطن علينا وقام يهدد انه بيصعب النهائي ويغير طريقته بعد الحذف، وتكاليفه واجد ومايبيك تستخدم A.I
التقييم بدون تعليق
الصراحه الدكتور جبت عنده قريد كويس لاني سبق واختبرت اختبارات سيناريو ومتعود عليها …بس الدكتور مايناسب الطلاب الي حافظ ومش فاهم ، وماراح يناسب ولا كان مناسبني انا بعد بسبب الحضور ماحب الدكاتره الي يحضرون كل الترم او يصعبون مواد تافهه ماتسوى يمكن عشاني متعود اغلب الدكاتره عن بعد بس باختصار العمري كتجربه افضل منه للي يدور الراحه مثلي. ومع ذلك تراه دفنا اخر الترم واسلوبه زين كتعامل ومرن بالتأخير بس زي ماقلت ماهو كويس من ناحية الي يبي دكتور مايكرفه ولا اختبارات صعبه
الدكتور للامانة شخصيته حلوه وطيب ومرح لكن مشكلته يعطي المادة اكبر من حجمها بكثرة التكاليف من واجبات وبرزنتيشن وكويزات الخ، لكن اذا سويت اللي يطلبه منك وشافك مهتم بيعطيك فوق حقك وبيخليك تنبسط بالقريد
تجاهلوا بعض التقييمات تحت واضح كاتبينها بعد الاختبار وكانوا مشحونين و الله يهدي الجميع, لكن الكلام الي عن صعوبة اختباراته وتكاليفه الكثيره كلها صحيحة للأسف شادها على مقرر محتواه سهل مدري ليه
ملخص القرناس من تجربتي: محاضراته كلها تعتمد على المشاركه والنقاش، الاختبارات صعبة جداً والتكاليف اصعب، للاسف طحنا بالفخ ونزلنا عنده وهذا اول ترم يدرس فيه من ٢٠١٩، كويزات سهله، عنده ٧ كويزات وكلها مفاجئه يعني تدخل المحاضره بنسبة ٥٠٪ يمكن يعطيك كويز ، مشكلة الدكتور انه شادها جداً وكل المواد الي يدرسها مواد إدارة المفروض انها مواد قريد لكن حالياً جالس اهوجس هل انا بعدي المادة ولا لا، بأول محاضرة لنا قال ترا الافرج عندي B وقليل الي بيجيبون اعلى، الدكاتره الثانين كلهم اقل واحد عندهم جايب B B+ ماانصح
التقييم بدون تعليق