ايجابياته : لطيف جداً ومحترم ، يحط كشف التحضير وما يهتم واعرف شباب تجاوزوا الحرمان وكلموه وقال ما احرم احد . سلبياته :تصحيح ما يظلمك بس مستحيل يمشي اي غلط و ينقص على الاخطاء الرياضية التافهة حتى لو الناتج صح ويفضّل صيغة حل نموذجية، يعطي واجبات بونس بس صعبة جداً بس كم طالب حلوها، شرحه بطيء لكن مفهوم وقد شرح سؤال من سلايداته فكرته غريبة وجا فالفاينل . ما يهتم لو انت تشارك معه ونشيط وتكتب حل نموذجي فالاختبار او ساحب عليه فالاخير بيعطيك حقك حرفياً وأي غلط بينقصك فيه .
تصحيحه سيء جدًا يمشي على الحل النموذجي بالملي خسفنا كلنا بالميد الاول لدرجة انه خمسة معطيهم 0 من 25 والبونسات اللي يحطها يدقق بتصحيحها ويطلع فيها اغلاط مهما كان حلك ميزته الوحيدة التحضير يعطيكم الكشف وتحضرون وللاحقاق تصحيح الميد الثاني افضل بس باقي يدقق بزيادة
ما اعرف احد جاب درجة كاملة
نزل عن ابليس ولاتنزل عنده
دكتور عادي وتصحيحه مثل اي دكتور ريض يعطيك درجات على خطواتك ويخصم نص او درجة على الاخطاء ب الارقام، واذا كلمته يمكن يتفهم ويزودك درجة درجتين وهذا الي صار معي بخصوص التحضير مايهتم فيه ابداً ولا يهتم بحضور التمارين نص الشعبه كانوا مايحضرون عنده ابداً ولا عند التمارين ومانحرموا بالنسبة لتقييمة السيء السبب انه كان منسق ريض 205 ويكتب اختبارات اعجازية ومايتساهل لكن حاليًا يدرس ريض ٢٥٤ واشوفه من افضل الخيارات لانه ماراح يكتب لك ولا اختبار بس بيصحح ويشرح لك
اول محاضرة كنا حول 20 طالب المحاضرة اللي بعدها صرنا 5 ( كلهم غيرو الدكتور ) اخر الترم صفينا انا و واحد والحين عرفت ليش ، على العموم نصيحة اذ جاك غيره واللي يقيمونه كذابين اللي يدرسون عنده اعرفهم كلهم محد جاب A او A+
تحتاج مصدر ثاني لفهم المدة
رد على الي تحتي والله اني جايب A+ . والكلام الي قلته ان شاء الله في ذمتك
مع كامل احترامي للتعليقات بعد ما درست عنده 205 الواقع غير عن التعليقات
تكاليف قليلة و سهلة و مفيدة