الماده معها يسيره الله يسعدها ويوفقها
شرحها عباره عن قراءة الكتاب وتخططين اللي تقراه حرفيا، صعب تستوعبين الماده معها اول بأول، مافيه تكاليف ولا درجات حضور ومشاركه، الميد كان حليو فيه مقالي بسيط، الفاينل فيه كل ما لذ وطاب، وكان شوي يلخبط يبغى لك تركززيين، لكن هي متعاونه وترد على الايميل اذا احتجتوها، وتستقبل الاسئله في الفاينل، لك حاطه درجات على الانضباط وادبك في الكلاس عموما هي محترمه اذا مافيه الا هي ف خير وبركة
اذا ركزتي بتحلين زين في الاختبار
الشرح غالبا قراءة بس ما احس الماده تحتاج شرح صراحه اختباراتها غالبا سهله ذاكروا لها زين الفاينل مشت فيه او سوت ابقريد ما اعرف بس كان سهل، ارجع انزل عندها اذا الماده ما تحتاج شرح
كويسه صراحة والمادة سهله برضوا ما عندها تكاليف اختباراتها سهله وغالبا تجميعات لكن عيبها الفراغات كثير ينقصون فيها بالنسبه للحضور اتوقع عندك ثلاث غيابات والرابع حرمان ولو عندك عذر ارفعيه بالبلاك البعض يسب شرحها بس هي أصلا تقرا وتوضح كم فقره بس، بس عموماً هي كويسه وقالت بالفاينل بعطيكم بونس ثلاث درجات
اختباراتها سهله بس المحاضره مره ثقيله وتاخذ كل الوقت و تكاليفها كثييير وتنقص بالمشاركه ، بالنسبه لي ما برجع اخذ معها .
اسوأ دكتوره بالدنيا كلها!!! ما تتقبل مداخلات من البنات.. ممسكينها القسم دستوري وهي لا تفقه فيه شيء تشرح اشياء غلط. كرفت تفسيي عشان اجيب هالقريد ولا هي مو متعاونه ابدًا
من أسوأ التجارب مستحيل انزل عندها مره ثانيه تصعب الماده و محاضراتها طويله و ثقيله و جددددااا دقيقه بالمشاركه
ملكة الشخصنة. بصراحة مدري شلون للحين تدرس يعني ما تعرف تشرح ولا تعرف تتعامل. اذا ما عندها ذمة وضمير توفي واجباتها ولا حتى تملك ذرة احترام لمنصبها كأستاذة في صرح جامعي فلا تستبعدون اي شيء يبدر منها.. باختصار اهربوا.. انفذوا بجلدكم.
كويسة مو شينه، اختباراتها سهله دقيقة بالمشاركة، تقرا ماتشرح وسوت اب قريد تكليفها كان نلخص جزئيات من الكتاب واللي نلخصه ينحذف من المذاكرة وأحيان تحدد منه و عطتنا كلنا كامل فيه. ماتحب احد يفتح الجوال بكلاسها سواءً فاتحه الكتاب منه ولالا. الفاينل كان سهل وواضح مره لدرجة جايبه سؤال فيه سؤالين وتختارين واحد منهم تجاوبين عنه، وحطت درجة على نظافة الورقة عيبها ان محاضرتها طويلة وثقيلة وماتشرح بس تقرا اشوفها خيار جيد لو محدوده عليها وترى تخصصها الدقيق اداري يعني يمكن يكون شرحها في مواد الاداري أفضل