شرحها جميل وواضح تحط عروض واضحة ومرتبة، صارمة بالدرجات ماتعطي ولا درجة إضافية ولا ربع ولا تفكروا حتى تقولون لها لأنها بتسفهكم، اختبارها ماأحسه سهل لكن مو تعجيزي فيه بنات جابوا فيه كامل وأسئلتها واضحة، تعاملها جميل ماتصرخ ولا تعصب على الطالبات طيبة جدا وهذا أهم شيء عندي، لوسألتيها عن أي شيء بالبريد تجاوب وتوضح ماتقصر لكن مرات أحسها مو مرة تفهم المقصد بالأسئلة، تلاحظ الطالبات الي يدخلون متأخر لكنها تتغاضى، أول محاضرة الي تعريفية بعلم الصرف ماأذكر جابت منها، أسئلتها تطبيقية عملية أكثر من نظرية، النهائي عن بعد وكان أصعب بكثير من الاختبار الفصلي الحضوري أخذت المادة عندها عن بعد.
أخذت عندها صرف 1 شرحها جدًا جميل وواضح ومرتب، وتعاملها مع الطالبات جدًا جميل، والاختبارات الفصلية كانت حضوري سهلة وواضحة للي فاهمة معها والنهائي كان عن بُعد صح وخطأ وخيارات كان واضح لكن يحتاج تركيز أكثر من الفصلي، ومستحييل تعطي بونس، الله يجزاها خير.
شرحها لا بأس فيه اذا سألتيها عن سؤال بالمحاضره تجاوبك بكل تعاون لكن مرات تتنرفز من كثر الأسئله ومستحيل تعطي بونس او تساعدك بتكليف اذا جبتي درجة سيئه عندها تعطيك حقك حتى لو كنتي من المشاركات عندها واي صح مستحيل تدف بالماده يعني حاولي تشدين حيلك مرره اذا كنتي معها لأنها تحمّل