والله يالدكتور غريب الصدق مدري وش اقول شرح عادي ويميل للسيء وكل شوي يخلي واحد يقرا السلايدات يقال له تفاعل والاختبار النهائي عطانا نظري بين السطور ولازم تكون فاهم صح مو استهبال يعني طول الوقت تحس وش الصح ولا وحده متأكد منها وبالاخير هبد لي درجة ولا 1% توقعت اجيبها رغم اني ماحليت النظري زين المفروض ماجبتها والمعادلات حلي كان كويس مره
تحتاج مصدر ثاني لفهم المدة
الشرح مايشرح يقرأ السلايدات ويبغاك طول الوقت معه وتقول ايه فهمت، التعامل بارد جدا جدا ومايعطي وجه ابدا ولايشوفك شيء حتى، الدرجات صراحة مايعطيك الا حقك مايزودك ولا ينقصك، التحضير قمامي عنده بمعنى الكلمة عادي يحرمك ويغيبك حتى لو تأخرت، مختصر الكلام دكتور اذا بتنضبط عنده بتمشي امورك غير كذا انحش .
دكتور ما يداوم نص الترم. ما يحضر للساعات المكتبية. الشرح سئ (هو اصلا موفاهم المادة). قليل ادب بكل ما تحمله الكلمة من معنى.اذا رن جوالك بالغلط في القاعة يطردك كانك كل*ب.متشدد جدا جدا جدا في التصحيح.اذا الناتج النهائي غلط حلك كله صفر (الرجال مشغول مو فاضي يقرا حلك او يفهمه) الحرمان والترسيب لعبته
الصراحة بعد كلام الشباب عنه توقعت انه دكتور مب كويس لكن الصراحة انا اركز ب محاضراته و الشرح لازم انك ما تعتمد على على الشرح بس شد حيلك و امورك بتتسهل ان شاء الله . والحضور اول ما يجي يحضر بس هو يتاخر بين ٥ و ١٠ دقايق بعدها يحضر . الدرجات بيعطيك حقك و يمكن يزيدك درجة درجتين للقريد الي بعده
الدكتور مب بالسوء الي مكتوب لكن مايعني انه كويس عيبه بارد ويبغى معه واحد طول المحاضره يقوله ايه فهمنا ولا بيبلشكم تحضيره من البلاك بورد ولاتدور من عنده لاحق ولا باطل مستحيل يرد على ايميل او يساعدك برا المحاضره لانه بارد تصحيحه ماشفت شي صراحه بس من كلام الشعبه مب زين،الخلاصه اذا ماقدرت تحول منه مب نهاية العالم بس تراه يحرم بريال
الشرح يقرا السلايدات حرفياً، التعامل اسلوبه بارد، التحضير يحضر بلاك بورد وما عنده مشكلة يحرم، الدرجات بكل صراحة يعطيك حقك بالضبط لا زيادة ولا نقص، الايميلات لازم تنشب له عشان يرد عليك ترسله ايميلين اقل شي يعني لا تتوقع يرد عليك بنفس اليوم، يتأخر عن المحاضراات كثير، يدخل ساعة ما يتكلم بعدين يبدا الشرح، السلايدات يرسلها متأخر، جزئية الفاينل ارسلها قبل الفاينل بيوم، عالعموم خله اخر خيار عندك واذا ما قدرت تغير عوافي ما يستاهل حذف بس شد حيلك لا تعتمد عليه .
انا اشوف انه يستاهل تقييم ١٠٠ لان تعامله جميل والشرح اصلن الماده حقت تمارين، كان مكثر التمارين علينا بكل حصة كنا ناخذ تمرينين او ثلاثة، ويقول حلوها ويعطينا وقت ثم يحل معنا، فانا اشوف انه خيار حلو اذا انك تذاكر اول باول وتحل معه التمارين وبس
دكتور صارم جداً بالدرجات ما يشوف طريقة الحل يشوف الناتج فقط ، ساعات مكتبية ما يداوم ولا يرد عالايمل ويحرم ولا يشوفك شيء اذكر حرمني انا و ٦ طلاب بالشعبه والحاذفين اكثر من نص الشعبة ابعد عنه نصيحه
التقييم بدون تعليق