تصحيح دقيق بزيادة
شديد في التحضير و وقت الدخول
مره كويس الدكتور من ناحيه الشرح يشرح بذمه وضمير ماشاءالله ، التكاليف متعبة وضغط بس يبغانا نستفيد ولا الدرجات يعطي فيها كامل بالاخير حتى لو نقصتوا بالتصحيح ، المشاركة بعض الأحيان يعطي عليها بونس ، وسلايداته مثريه ماشاءالله مليانه معلومات ، اختباراته سهله جدا ويكرر نفسها بالفاينل والحلو انه يسجل الكلاس ويحل معاكم الميد وبالنهاية يرفع الكل وبتدعون له.
غريب جدا ما ينعرفلة للاسف ياخذ الحصه كامله يبدا يبربر عن الدكتوراه حقته ثم يبربر عن بحوثه ويسوق للعينات تبع التجربه من وقت الحصه ساعه اذا قربت تخلص يبدا في الدرس الفعلي خمس دقايق بالمتخصر الماده سهله والدكتور يخليها صعبه ماني عارف وش يستفيد حصته تجيب النوم بعد وشخصوني جدا
يركز على المشاركه ويسجلها تسجيل وما يعطي فرصه للكل يشارك يعني اول وحده دايم تسبقنا في المشاركه حتى لو هبد ويعطيها درجة ووراها ٥ بنات رافعين يدهم بس ما ياخذ الا اول وحده وحتى لو جاوبتي وحاولتي بس غلطتي في جزء من الاجابه ما يحسبها لك واذا انتي ماخذه عنده ماده من قبل بيقعد يحقق معك عن درجاتك ويحرجك قدام البنات ويسأل عن القريد حقك+ يجيب اسئله من برا المقرر بس يكون شارحها وهذا مو منطقي يا تكون مكتوبه في السلايد يا لا يجيبها وبس
اذا تبي A+ شارك لا توقف والحضور مهممم جدا الاختبارات بسيطه كانه فجب التحضيري بس ذاكر بفهم وفالكم التوفيق
والله سيء اي احد بياخذ عنده نصيحة اهربوا تكاليييييف كثيرة على مادة ساعه فقط غير كذا ماهي ما تخصص مدري على ايش كل ذي التكاليف والواجبات والاسئلة اللي بين السطور غير كذا توزيع الدرجات مو واضح ويشرح كأنك فاهم واسلوبه غير احترافي
مادة وصفه تدريب، صراحه مليانه اشياء مهمه لتخصصنا ماقد مرت علينا بهالعمق الي هو عطانا، يعني مره استفددتت خصوصًا السلايد احسه كنز يصلح ارجع له وقت ماابي اسوي برنامج فيه انواع الشده وكم تكرار لكل شده وكم دقيقه للراحه يعني تفاااصييل مااذكر درستها من قبل بهذي الدقه. التكليف كان عبارة عن وصفه برنامج تدريبي من الصفر الى الميه، يعني حرفيًا كل شي انتي تصنعينه (واحد من التكاليف) لان فيه اكثر… وتصحيحه مره دقيق يكتب لك ملاحظات على كل خطأ تسوينه وكيف الصح
ما اعرف احد جاب درجة كاملة
خذو العلم بس الدكتور جديد ويشرح يعني مب مره بس انه فاهم وبيعطيك المعلومة صح هذا اولا ثانياً تكاليفه كثيره وماخلاني افهم واستفيد الا التكاليف درجات اذا شافك ماتغيب وشاد حيلك حتى لو انك ناقص بيزيدك اما انك تجي تبزوط وتبيه يعطيك A+ ثمن تجي تقيمه تقييم سيئ يعني كل الي معنا فالقاعه يبزوطون مافيه الا كم واحد كويس والكويسين عطاهم A+ ف يبيلك تشد حيلك وتجتهد عشان تجيب القريد القوي وبس