نورة العمر

الله يجعلها في الجنة، ياليتها تدرَس الروض كله بعد.. اللهم بارك، شرح واسلوب واختبارات وكل شيء، ومحاضرة مؤنسه ممتعه تطلعين بمعلومة جديدة أو بنصيحة مؤثره.. الله يسعدها ويبارك فيها يارب

والله من اعسل دكتوراتي احبها حب المادة حلوه مفيدة لك جدًا بحياتك اختباراتها سهله موت تكاليفها كثيره الصدق بس مستحيل تنقصين فيها درجة بالبدايه مارح تحبينها بس بعدين بتصير احب دكتوراتك عندك

الله يسعدها و يوفقها 💚

بتكلم عن تجربتي بكل امانه كنت متخوفة اخذ معها لكن الحمدلله توفقت تشرح من قلب وتعطي المادة حقها وزيادة غصب تطلعين فاهمه واختبارها مره مقدور عليه واشوفه سهل تكاليفها تعتبر كثيره شويتين لكن سهله وماتدقق فيها متعاونه باعمال السنه وحريصه الكل يكون كامل فيها كل اسبوع فيه كويز وبسيط عباره عن سؤال سؤالين بالكثير ونهايه السمستر فيه كويز تحسين للناقصين وحبيت درجه الميد تطلع بنفس الوقت بشكل مباشر وبالشرح اذا جاوبتي وعجبتها اجابتك تعتبر بونس لكن الميد ماله بونس انتي واجتهادك

مافيه تكاليف بس فيه كويزات وسهله وحطت كويز زياده للي نقص الميد سهل جددا تحسفت اني ذاكرت له (كان حضوري عالبلاك بورد) حاطه رقمها بالبلاك بورد فمره سهل تتواصلون معها وتتفهم مره مريحه جدا

شديدة في التحضير و وقت الدخول

اذا ركزتي بتحلين زين في الاختبار

اكثر كلاس ممتع و كنت خايفه منها بالبدايه بس طلعت كويسه مره و شرحها مره كويس و بالامثلة تشرح لك المحاضره بقصص و سواليف ممتعه الميد كان فيه تريكات شوي و بالاخير شفت كم بنت سوت لهم اب قريد الله يسعدها

صراحة الدرجه جبتها لان ذاكرت للماده مره كويس مو انها تعطي بونس مدري عن البنات اذا عطتهم ولا لا لكن انا م راح انزل عندها مره ثاني لان الماده م تستاهل هذا كله بذات بالميد صعبته

الدكتورة حلوه تكاليفها كانت كويزات لكل وحده اسئله الكويزات شوي دقيقة وساعدني هذا الشيء ان مايحتاج اذاكر للفاينل وميد بس مراجعة الميد مرره كان سهل واعطتنا فرص لحله يعني اذا نقصتي تقدرين تعيدين شوي كانت تخوفني لكن لما اكلمها واتس كانت طيبة مره ومتجاوبه انزل معها مره ثانية اعطت بونس نهاية الترم للي ناقص بالكويزات