تكاليف كثير و اسلوب ماش
تكاليف كثير بزيادة على مقرر سلم, الدكتور بشكل عام عادي لكن كتجربة مقرر سلم فيه أفضل منه بكثير, نزله عنده فقط اذا انت متأخر و تبي تخلص السلمات أو أنت خريج خلاص, غير كذا ما أنصح فيه.
محاضرة مرحة و مضحكة
الدكتور كويس و شرحه عادي، توزيع درجاته غير ان اي دكتور سلم، ٢٥ على اختبار واحد و ١٠ على العمل الجماعي، ١٥ على اختبارات قصيره في البيت، و ١٠ على نقاشات يسويها في بعض الفصول من المنهج، إذا انت مالك خلق تسوي كل ذا لا تاخذ عنه لكن إذا تبي تضمن درجة كويسه بدون اختبار ثاني خذه و بالراحة، الميد كان سهل و يحضر بعد ٢٠ دقيقة من المحاضره، مرات إذا كان في مؤتمر يقول روحوا له و وثقوا حضوركم و بعطيكم عليها درجات، غير كذا ما يدف ابداً
اختباراته اسهل شي ممكن تشوفه اغلبه تجميعات واللي مو تجميعات مويه. كتعامل كويس لكن يحط حدود فالتحضير نظامه يقعد يتكلم على كم نقطه بداية المحاضره وبعدها يجي يحضر عادي لو بعد ٢٠-٣٠ دقيقه وتوك تجي وقتها يحضرك. لكن ما اذكر مر علي موقف واحد جا بعد التحضير ف مدري وش بيسوي وقتها. شرح عادي يعطي امثله وكذا لكن المحتوى نفسه يقراه عالسريع يعطي بونسات مشكلته الوحيده تكاليفه خلانا تسوي كويزين وتقديم وبرضو مشاركه في نقاش بلاك بورد لكن ما دقق عليها ابد عالمجمل خيار ممتاز لا يفوتك لكن مشكلته التكاليف بس
التقييم بدون تعليق
الأفضل في الجامة 💚
الدكتور واضح انه جديد تعامله ممتاز ببداية الترم كان شادها شوي بعدين صار كويس ، اختباراته اللي منه سهله جداً ويوم شاف الدرجات نازله بالميد حط اسئلة بونس بالكويز الاخير ، تصحيح المشروع كان خفيف وقال اذا استوفيت المتطلبات بعطيك فل ، الاغلب عطاهم فل بأعمال السنة ما قصر ، المادة بديهيات وما تحتاج شرح عشان كذا لا تدقق ، التحضير يمشي كثير ، اكبر عيب فيه تكاليفه واجد يعني مو معقول كويزين وميد ومشاركة أسبوعية بالبلاك بورد ومشروع جماعي وش باقي الله يسعدك؟ ومجملاً اختيار جيد جداً لكن ما اتعنى له
والله انه رهيييب جدا هذا الدكتور ، اعتقد اول مره يدرس المادة لكن عنده تنظيم ودقة بالعمل صفحة المادة بالبلاك بورد سهله ومنظمه جدا مستحيل تضيع ، مرن جدا بالاوقات ويوم شاف الدرجات ماش بالميد عطانا كويز وبونص ٥ درجات ، اذا جاك ارتاح حرفيا
الأفضل بإختصار نزل عنده ودور له ومعليك من الي يقول غير ذا الكلام وبتشوف بنفسك والله يوفقنا وياكم يارب🫡