تقاعد .. وترك وراءه شيء إما له أو عليه . ولا شيء يدوم فعسى الله يجعل أعمالنا لأخرتنا .
الدكتور فاهم وشرحه جبار على عيني وراسي واغلب اسئلة الميد يعطينا اياها بالمحاضرات واذا طلعت من الاختبار تقول انك بتجيب ٣٠ او ٢٨ وتتفاجئ انك جايب ٢٠ بسبب التصحيح ، يعني حرام والله تخش الاختبار وانت فاهم كل شي والاسئلة سهلة لكن يعقدها بتصحيحه بالميد الاول نقصني ٨ درجات يقول اجاباتك مختصره جيته الميد الثاني عبيت الورقه ماخليت مكان فاضي ونقصني ٧ درجات يقول طالب القانون لازم يختصر يعني من الاخر مستحيل تسوي شي يخليك تجيب A+ الا اذا صدفت معك وجبت الاجابه اللي يبيها بالضبط
شاهد الله ان تقييمي بدون مجامله ، ياجماعة الخير تستمتعون بكلاسه ، وتطلعون فاهمين وزود ، تجون بالميدات والفاينل تلقون الاسئله بالمتنااول وسهله وتنصدم ان مخصوم منك قريدين ..!؟ ليش يقولك كنت ابي الاجابه الفلانيه طيب يادكتور من فهمي هذي قالي لا ، واجيب بالميد الثاني اكتب بلي بالكتاب نفسه نفسه والله نفسه ويخصم 11 درجة ليش يادكتور ابي الاجابه كذا وكذا .. يصدم عيشتك ماتدري وش يبي بالضبط . ونصيحة لاتجونه بمكتبه ابدًا بيفصل عليه ويسفل فيك ولاهو ناسي اسمك . وابعدوا عنه وسلامتكم .
تصحيحه محد يقدر يفهمه يعني ممكن ثنين نفس الاجابه يعطي واحد فل والثاني صفر
نصيحة لوجه الله سبحانه يأخواني لاحد يزوره في مكتبه ابدًا ابدًا، عنده نظره سلبيه للي يجيه في مكتبه إنه شحاذ درجات، حتى لو تجيه تراجع ورقتك، قسم بالله عقدني من بعد ماجيته في مكتبه، ولاحظته نفس الاسلوب مع اثنين من الطلاب بالشعبه وطلعوا جايينه بمكتبه، وسألت زملائي الي درسوا عنده قالوا صحيح انتبه لاتجيه.
باختصار تقسيم الدرجات عنده ٣٠ ميد اول ٣٠ ميد ثاني ٤٠ نهائي وطريقة الأسئلة ٦ كلها مقالي المادة سهلة واسئلة الميد هو يعطينا اياها في المحاضرة يعني تدخل وانت عارف السؤال بس اكبررر مشكلة ثم اكبرر مشكلة التصحييييح اهرررررررب ثمم اهرررب يبي الإجابة اللي في راسه بالضبط الميد الاول والثاني كلها محد جاب فل ولا احد يقدر واعلى درجة جابوها b+ وانا عن نفسي جبت b ومبسوووط جدا لأن كل اللي معي اقل مني ف نصيحتي لا تنزل عنده صحيح ان شرحه جبار بس درجاتك بتضيع بشكل ماتتخيله
الدكتور فاهم وبروفيسور، ويشرح لك لين تمل، محاضراته مشكلتها كانت مملة لأنه احيانا يعيد بالشرح، الدكتور ما يحضر الا نادر جدا لكن اذا بتنزل عنده انصحك تحضر عنده عشان تفهمه وتذاكر من فهمك لطريقة الدكتور لأن هذا الشيء هو اللي بيساعدك في الاختبارات، تقسيم الدرجات كله على الاختبارات. عن نفسي اعتبره خيار جيد وممكن انزل عنده مره ثانية.
اذا ركزت بتحل زين في الاختبار
الدكتور شرحه ممتازه تعامله سيئ اذا مافيه غيره نزل عنده
الدكتور شرحه جيد بس انه ممل جدا جدا ويطول بالشرح اختباراته متوسطة الصعوبه ومشكلته انه يدبل الدرجات * تجربتي كانت عن بعد*