الافضل في مصادر الالتزام الاسئله واضحه تعرفين وش تبي ما تلف و تدور الله يسعدها !! اذا ركزتي معها بالشرح و تحددين معها بتكون A+ بالجيب
شرحها عادي تقرا من الكتابة وتوضح توضيح بسيط وتعطي امثلة، الميد حليو جاء شوي من التجميعات ولكن المقالي تدقق عليه خاصه التعداد، كويز 1 حضوري كان شرح عن موضوع معين الكويز الثاني اونلاين موضوعي سهل مره وكتاب مفتوح، المادة مره مهمه عشزن كذا شديده فيها، الفاينل اسهل من الميد جاء تجميعات شوي والمقالي سؤال واحد عن العقد. حلوة صراحة واعيد التجربة معها عادي.
ثاني مرا آخذ معها والله كويسه مرا صح تقرا لكن تراهي تشرح الي تقراه وتجيب نفس شرحها بالضبط كان التقسيم ٤٠ميد ٢٠ كويز اسئلة من النظام احس ال٢٠ هذي هديه من عندها الله يوفقها ويسعدها من سهولة الاسئلة بغيت اصيح ماني متعوده ع الاسئلة السهله،والميد كان كله مقالي لكن من أمتع مايكون مرا كان حلو وتحب تكتبين نفس النظام بالضبط ولا تنقصين شي عشان ماتنقصك، الفاينل كله صح وخطأ وسهل مرا صراحه ذاكرو كويس وعطو الماده حقها ترا مراح تتعبون بالمذاكره ابد وتحب النظام اكثر من الكتاب والله يوفقكم لا تتعدونها.
ملكة كلية الحقوق اخذو معاها وانتو مغمضين عسل عسل مرررا بس طبعًا ركزو معاها وحددو اللي تقول وقت الشرح واموركم تمام بإذن الله
الدكتورة متمكنة وفاهمة اخذت معها مصادر الالتزام و ملكية، شرحها كويس واختباراتها منطقية والمواد معها ابد ما تصير ثقيلة الله ييسر لها مثل ما تيسر علينا.. الافضل في القانون المدني واللي بتاخذ معها تركز على المواد النظامية لانها تجيبها نصّاً بالصح والخطأ وبالفراغات
اتكلم انا عن مصادر الدكاتره يختلفون من ماده لماده هي الوحيده الافضل في مصادر نصيحه لا تاخذين الا معها
من افضل الدكتورات اذا شفتوها نزلو عندها تتعاون معكم اذا درت انكم من بنات الاداره وتسهل لكم كثير وتساعدكم
هي في المدني تشرح بس البحري صراحة ما كان فيه شرح، لكن الاختبارات سهلة (كلها صح وخطأ بس سهلة) وتعاونت معنا وحذفت لنا من المنهج. إنسانة راقية وما تتشدد لا بالحضور ولا بالتكليف.
الافضل في مصادر الالتزام اسئله واضحه مافيها لف و دوان ما تطلع عن شرحها حرفياً الي تقراه حدديه عطتنا كويز كان اوبن بوك الله يسعدها الكل جاب كامل فيه نصيحه اذا بتاخذين مصادر التزام هي افضل وحده ماسكه الماده لا تروحين لغيرها
التقييم بدون تعليق