محاضرتها عاديه ومرنه بالحضور الميد عطت بونس درجتين لانها جايبه جزئية مب داخله معنا كان صعب ومحد جاب كامل وكلنا انخسفنا حتى مع البونس شخصيتها حليله ولطيفه وكويسه مره بس الدرجات عندها سيئه جدًا مدري من اختباراتها والا من تصحيحها لان الفاينل انخسفنا فيه بعد
ماودي اخرع المستجدات بس أنا خلصت تجربتي الثانية معها ولا تغيرت (حنان استاذة المقالب) ، تنسى كلامها الي تقوله و غدرت فينا بالميد الفاينل كان أصعب من مستوانا، وعدتنا ب ٥ درجات لأنها غدرت فينا بالميد وسحبت علينا ولا عطتنا ، معايرها للمشروع غير واضحه طول الترم نقولها وش سالفه المشروع وتقول بعدين بعدين يوم انضغطنا وجا نهاية الترم حطت المشروع وعطتنا المعاير ثم نزلت الدرجات كلنا خاسفين ! ليش ؟ طلعت معاير جديده ، صح سمحت لنا نعدل بس ضغطتنا وكان حول فاينل وأعمال السنه لازم تنرفع وغير أشياء ثانية سوتها
حنان انسانه متعاونه وقلبها ابيض ، بس شرحها مب ذاك الزود واذا خذيتوا عندها تأسيس لا تعتمدون عليها و لا على شرحها ، ومشكلتها تنسى وش عطتكم ، واحيانا تدقق على غير سنع
تجنن ظالمينها بالتعليقات الله يسعدها تسهل المواد لك وتدفف ابدا لا تشيلون هم اي مادة معها محظوظين الي بياخذون معها درست معها ٤ مواد كلهم a+
اذا ركزتي بتحلين زين في الاختبار
الدكتوره جدا لطيفه وحبوبه وتحاول بقدر ما تقدر انها تسهل فهم الوصول الى المعلومه بس بشكل مبسط .. الافضل انك تكون عارف اساسيات اللغه قبل لانها ما تطول ف شرح الاساسيات وهذا الشي فادني مره معها* حريصه مره على الحضور والانصراف .. تعطي بونس للبنات الي يتفاعلون معها ف اثناء المحاضره .. السلبيه الوحيده هو انها تنسى كثير وتلخبط اثناء الشرح او بتحديد يعني عادي تقول ان هذا ما راح يجي بالفاينل وتلقونه ب اول الصفحه ف خذوا بالحسبان☺️☺️ ！加油每人
شوفو حنان اكثر دكتوره بتسمعون عنها كلام لكن الحق ينقال لا تشيلون هم لأنكم بتنقسمون جزئين ناس يحبها ناس لا بالنسبه لي حنان فعلا اخلاق وعسل لكن الحق ينقال صح تكاليفها سهله وتحفظ الوجيه واذا عندكم اختبار تاجلكم او تكنسل او تخلي المحاضره عن بعد لكن مشكلتها اذا فصلت على بنت تسوي تحديد كل ودايم تسوي مقالب بالاختبارات يعني تقول ماراح اجيب الدرس ذا وتجيبه دايم تلخبط اوقات المحاضرات واكاديميا مو كويسه هي كويسه كا بدايه بس بعدين بتكتشفون نطقها غلط تسولف كثير عن الصين وعن والصينين فا بتحببكم بالتخصص
للان اخذت معها ٣ مواد من اول لثالث مستوى ودرجاتي معها كويسه ممكن اكثر شيء استفدت معها باول مستوى فقط ولازممم تمرون بفتره ضياع وتوهان معها من جميع النواحي ،التأسيس لك عليه يعني بتعطيك معلومه بعدين اذا تطورتي باللغه بتكتشفين ان كل كلامها غلط لكن بتاخذون درجات حلوه وطيبتها واخلاقها تشفع لها ،حاولوا بعد تكون عندكم خلفيه باللغه قبل تدرسكم لا تكون هي اول صفحة لبداية المشوار الله يجزاها خير يعني لكن اشوفها غير مناسبة أكاديميًا
تحتاج مصدر ثاني لفهم المدة
الله يسعدها و يوفقها 💚