اديبة العايد

اذا ركزتي بتحلين زين في الاختبار

درست معاها مرتين شخصيتها على حسب الدفعة الي تدرسها اذا كرهتكم بتكرهونها هي والمادة بداية الترم شاركواا تحب المحاضرات فيها اخذ وعطاء تصير تحبكم ويسرة معاكم دايم الميد وكويز ١ تكون صعبة بس لو اقدر احذ معاها مرة ثالثة اخذت

مو على قد السب،، كانت عادية صراحة توقعتها تكون شديدة بزيادة لكن ارتحت لها بس يوم لك يوم عليك مزااااجية وحساسة ولازم كلنا نراعيها، حسيت كانت تسبب توتر للبنات شوي مو عارفين كيف يتعاملون معها انا ما احتكيت فيها الصدق المهم اجتهدي وبتعطيك حقك وبالنسبة لشرحها كان يعجبني وافهم منه مره وانزل عندها ثاني عادي

اذا تبين تحبين المادة وتكون سهلة، لازم تشاركين طول الترم وتثبتين نفسك، يعني عشان تضمنين معها خليك محترمه دايم معها وشاركي عشان تميّزك لان اذا ميزتك وعرفتك ضمنتي المادة صراحة الميد كان سيء بس عوضتنا بدرجات وبعدها الكويز والفاينل كانوا سهلين مره مره مره مره

الدكتوره مب سيئه بس لازم تعرفين تتعاملين معها ، تحب الي يشااااارك وله وجوده بس توترني وقت الشرح جدا وتشرح كانك عارفه الماده من قبل شخصيا اضطريت الى مصدر ثاني للشرح ، في المكتب لطيفه اكثر من الكلاس ، بأول كويز بتحاول تثبت نفسها وبتصعبه اما بالنسبه للميد متوسط الفاينل سهل جدااااا ،

المس خيال من جميع النواحي والي يقول تميز وتفرق شدي حيلك وبتعطيك حقك وماتقصر مع الاغلب يعني مستحيل تخبس حقك بس ركزي على نفسك واتركو المقارنات الميد متوسط وتعاونت معنا الله يسعدها

مستوى متوسط بالنسبه للاختبارات ماهي سيئه

الصراحه شرحها ما يدخل مخي ، لكن غصب كنت اكتب الاشياء اللي تقولها لان تجيب منها ، اختبارات متوسطه ، الميد كان فيه كم سوال صعب لكن اللي عجبني فيها انها حست اننا حسينا ان الاختبار صعب ف عطتنا بونس وسهلت الاختبارات الباقيه وهذي النقطه تحسب لها ، ما اقدر احط بذمتي لكن اللي اشوفها انها شوي تفرق بين البنات وبتحسون بهالشي بكلاساتها وبالاختبار ، الله اعلم ما احط شي بذمتي لكن هذا اللي شفته ، دكتوره اقدر اقول عنها عاديه اذا شديتي حيلك بكل المصادر بتجيبين درجات

شرحها عادي جدا وتحتاج مصدر ثاني ميدها كان صعب بس عوضتنا الصدق الفاينل سهل مره مشكلتها إذا حبت بنت طيرت فيها وتميز تميز واضح بين الطالبات

الدكتوراه جدا متعاونه ومتفهمه مستوى الميد كان متوسط الى صعب بس اعطتنا بونس الكويز الاول متوسط الثاني كان سهل جدا والفاينل أيضًا سهل البروجكت مره سهل واعطت الكل فل مارك المشاركه مهم تشاركون تركز عليها و شرحها مهم مره لان تجيب من النوتس حقهاا ضروري حضور المحاضره بشكلٍ عام اكثر ماده استمتعت فيها في مستوى 7 من ناحيه المنهج وشرح المس