تحضر اول المحاضره الشرح حلو مره كويس شرحها لكن اختباراتها النظري من بين السطور حتو الرسمات عادي تجيبها نظري المقالي سهل نفس واجباتها
الدكتورة كنت مركزه معها بداية الترم مررره ما اتأخر واقعد اول وحده لين المد الاول واذكر اني حليت كويس طلعت الدرجات انصدمت مره واكتئبت وبطلت اركز معها وجاء المد الثاني وصار نفس الشيء تقريبًا وكنت خايفه احملها ، جيت اكلمها كانت ردة فعلها باردة جدًا ماتفاعلت معي وتركت المادة لين الفاينل بمجازفة وماذاكرت ولا شيء غيرها وجبت D يمكن الخلل مني ماكنت اعرف انها بالشرح تركز على اللفظي وبالاختبارات على العملي بس اذا تنزلون معها لازم تتدربون كويس على المسائل وتجيب لفظي بعد
تحتاج مصدر ثاني لفهم المدة
اذا فيه خيار غيرها خذوه صراحه اختيارها للأسئله مو طبيعي. ماشفت احد يمدحها بالشعبه والكل تقريباً كان محتاج ويطالب ببونس يرفعنا شوي. هي نفسها الي تذاكرين وتكون واثقه وتطلعين من الاختبار مصدومه
خذيت معها قصد ١٠١ صراحه اني اذكر كنت اطلع من المحاضره فاااهمه زين مره لدرجه كنت اشترك مع هدير فقط في الميدتيرم حقها للتطبيقات تحااااول تفهمك مليون مره وتعيد وتزيد عيبها ان ماتعطي بونس ترا يعني ماترد بالايميل ابدددددا التحضير عندها بورق الواجبات كانت زي باقي القسم ينرسل واجب موحد والجميع يرسل لها التصحيح اذكر ان كانت زييننه وماتدقق صراحه خياليه انصح فيها مره مره
دكتوره ابرار كويسه تعبتر مب سيئه الي يعيبها شرحها مب مره لازم مصدر ثاني ولا بتضيعين التاخير ماتحاسب عليه ابد التواصل معها بسيط بس مو مره تهبل مب نفسيه ولا شي عادي اساليها مليون مره بس منتب فاهمه شي😂😂 بس ستل كويسه وافضل شي الصدق تصحيحها خيالي تدور لك الدرجه تدوير❤️❤️
خذيت عندها اقتصاد تحليل جزئي 201 يابنات الدكتوره ماتطلع عن السلايدز والواجبات فيه ملزمه شفت اغلب دفعتي يذاكرونها وتاخذ وقت وجهد ومايجي منها بالنهاية يزعلون ليه ينقصون (الماده تحتاج مذاكره اول باول اذا راكمتي الماده يعني ودعتي) ذاكري السلايدز كويس وذاكري الواجبات كويس بس ! الدكتوره ماطلبت شي صعب وتعالو بدري لاتتاخرون عندكم ربع ساعه لو تاخرتو بتاخذون تاخير اعيد تجربتي معها؟ ايه اكيد
مرنة في الحضور و لانصراف
تحضر بلاك بورد يعني لازم تحضرون هذا الشي الوحيد اللي نوعا ما شديده فيه مع ان لو عندك عذر تتعاون معاك ، واجباتها يهمها بس انكم تحاولون ما تددقق مره بالتصحيح جدا متعاونه ، و الدكتوره هذي الله يسعدها جداا كريمه بالدرجات وتصحيحها فوق الخيال خصوصا ان موادها دسمه وتحتاج جهد طول الترم اصير متضايقه منها لان اختباراتها مو مره سهله ولا مره صعبه لكن بالنهايه ارضااا رضا تاااام بسبب كرمها بالدرجات والتصحيح الله يسعدها دنيا واخره يارب 🙏🏻🙏🏻
الدكتوره رهيبة بس تحتاج مصدر ثاني ، مدري انا ماكنت اركز معها او السبب شرحها ماودي اظلكخا الصدق لكن اخذت معها قصد ١٠١ واحس عادي اكررها بس طبعًا بمصدر ثاني للشرح من ناحية الحضور تتفهم التاخير مرره وطول وقت تدريسها ما غيبت الا بنت وحده لانها جاية متاخر ولا اعتذرت عن التاخير وكان معها كوب قهوة ولابسة سماعة😅 ف لو جيتو متاخرين حاولو تكونون محترمين شوي عشان ما تغيبكم تصحيحها فوق الرهيب تدور اي شي عشان تعطيك درجات تعتبر خيار حلو لو قفلت الشعب