لا شرح ولا درجات حرفياً ولكم ان تتخيلون اني نزلت معها لحالي في مقرر وكل منهج الماده انا شرحته وسويت برزنتيشن لكل الدروس حرفياً لاني بس انا الي بالشعبه يعني لعبت دور الطالبه والدكتوره بمادتها واخر شي جبت C عندها ومره اعتذرت عن الشرح لاني تعبت قامت دقت علي وتهاوشني 😍
مو طبيعي صراحة اغرب ظاهرة شفتها في الجامعة دكتورة اسم فقط لاتشرح ولا تفهم كل اللي المفروض يكون شغلها توزعه علينا وتحط عليه درجات!! زي الشرح ماتشرح المقرر كامل وزعته علينا نشرحه وهي جالسة لا شغل ولا مشغله بعد اذا حصل ظرف وتأخرتي في عرضك لاتنصدمين تتصل عليك تهاوش غريب وضعها ولا فوق كذا وهي ماتشرح تدقق في الاختبار
مرنة ومتعاونة ظلمها التقييم الصدق !! لكن اختباراتها صعبه ويبيلك مذاكرة قوييه وماتعطي حرمان وتتفهم التأخير عسل مره وتعاملها حلو وماطلبت منا الا برزنتيشن وتعطي كامل لكن الاختبارات شدوا حيلكم وإذا تقرين التقييم الله يسعدك ويسهل لك حياتك واختباراتها مقالي وموضوعي وماعتقد تحدد
سيئههه جداً انا مدرييي شلون توظفت بهالجامعه ابداً مو مكانها لا شرح ولاحاجه تدخل وتتكي علئ الكرسي والبنات بس اللي يشرحون اعطيك المنهج كأنك دارسته من قبل والله ودي يشوفون لها حل مو معقول
اكثر دكتوره كانت تجربتي معها سيئه بمعنى الكلمه الصراحه للحين مدري كيف سمحو لها تصير دكتوره
التقييم بدون تعليق
شرح ماتشرح تدخل عشر دقايق تحضر وتطلع ، وتحدد الكتاب الي معانا بالاختبار ، لكن زادتنا كثيرر درجات و العرض عطتنا كامل و التحضير ماتاخذه دايم و تسمح لنا نغيب و الي ماتغيب عندها تزيدها
ماتشرح ولا تحضر زين ولا كلامها موثوق اختباراتها واضحه تجيب لك اشياء بارزة على قولها بس كم سؤال كذا يجي جديد عليك وعلى المنهج بعد بس تعطي درجات في اعمال السنة