يا حليله والله كفو بس ذاكرور زيين مشكلة مقررنا كان من كتاب مذاكرتنا فكان صعب
التقييم بدون تعليق
ترا دكتور علوي وكل لي بالقاعة يغشون ولا يمسك اي احد فساد بالجامعة ملك سعود وشرح ماتفهم شي وسامج وشكاك الله يعين حرمته عليه اذ بتسجل عنده لايمسك عليك شي ولا والله شكاك يمين بالله انتبه على نفسك سجل عند اي دكتور غيره
حقيقه انا حذفت ماده عنده لكن صراحه شرحه فنان يستاهل لكن يضحك واجد وذا شيء غريب مااحس محاظره احس اني في ديوانيه تعامله سيء الا لازم يستخف ظله وذا غلط لكن شرحه فنان تكاليفه سهله
الصراحة الدكتور ظالمينه يعني الدكتور حبيب يعطي بونص وختباره مهب صعب والله بس يبيلك تذاكره لانه اصلااً تحديده قليل وتحديد الاختبار الثاني كان عشر صفحات بس تخيلو والله حبيب حبيب الله يجزاه خير ،،تراني ما احضر محاضراته فا لاتعتمدون على تقييمي للشرح والحضور وللحين ما اخذت الدرجه بس انها A+ ان شاءالله
الصدق التقييم ظالم الدكتور مره والماده سهله اساسا لا تشيلون هم ويعطي درجات كثير مره وصح توزيعه يلخبط مره وما قالنا كيف اصلا يعني اعمال السنه من ستين الميد الاول 25 والثاني 25 وعشر درجات عطانا اياها كذا والفاينل من 40 وحط 20 درجه على صح وخطا و 10 مقالي باقي عشره عطانا اياها بعد كذا يعني الصدق مره متعاون حتى المقالي سهل مره والمذاكره فيه تلخبط شوي لكن الاسئله ما واجهت صعوبه فيها والصدق لما نرسل له ما يرد علينا لكن والله كوويس اخذت عنده A+ ولو القى ماده ثانيه عنده بنزلها
اول ميد كان صعب بالنسبه لي ولا عرفت احل ثاني ميد كان من التسريبات وسهل وكان في احد مختبر قبلنا وعلمنا ما يغير اسئله لكن مرات يغير الصيغه صراحه أنا ما كنت اركز معه وقلنا بأخذ درجه الميد الأعلى وذاكرت النهائي زين وحمدلله اخدت قريد حلو
يحب المقالي ويدقق بالتصحيح يعني مايمشي اذا من فهمك بزياده صراحه لكن كويس ومتعاون وفيه بونس بس ع حسب الشعبه احنا عطانا بس غيرنا لا اعتقد اذا شاف حضور ومشاركه من الشعبه يعطي + مايغير اسئلته السابقه لحد يسحب ع التجميعات يكرر نسبة ٩٩ بالميه
ما انصح احد ينزل عنده في اي ماده كانت صراحه مب متعاون ولا يرد على احد وبندخل الفاينل واحنا مب عارفين المجموع!
معايير الدرجات غير واضحة