نوره التويجري

اتمنى م تطلع لي مره ثانيه بالجدول

الي مابتحضر ولا تركز معاها بالشرح وتكتب كل شيء تقوله لا تنززززل عندها حرفييا اختباراتها كلها مقالي بدون استثناء ولا تعتمدون فيها عالسلايدات ابدا اعتمدوا على شرحها وسجلو برضو المحاضره ، نزلت عندها نظريات وتربية اعلامية الدكتوره عسل وشرحها فووق الخيال احب كلاسها ممتع وحببتني بالتخصص وراح انزل معها باذن الله كل ماده تمسكها ، انتي بمجرد تفهمين لشرحها الاختبارات بتصير سهله لك مرا ، مشروعها بالتربيه الاعلاميه كان نتابع فلم ونحلله وسهل ، نظريات قسمت الدرجات على ميدين . ماتركز عالتاخير ابد ومافي بونس

هو اسلوب هو شرح هو تعامل عسل من كل النواحي الله يسخر لها وقفت معي وقفه مع ظرف لي ماانساها الله يسعدها تراها مرره حليله و كلاسها ممتع اسالتها تحب تختبر فهمك بس شرحها واضح مرن

يمكن تختلف من مادة لماده لكن مادة نظريات قسم بالله شليت همها مع هالدكتوره طول الترم اسألة مقالية تروع يعني بالفهم وبالحفظ ما نفع معها ومع اختباراتها الله يسامحها بس صدق اول مره اخذ درجه كذا، م انكر شرحها ولا غلطه وتفهمك عشرين مره وشخصيتها مرحه بس الاختبارات؟ الله يعينك

عسل هالانسانه ماخذتها بمحاضره بعد الظهر يصير محد له خلق بس هي تعطي جو بالمحاضره ايجابيه مره وتذب رياكشنات تضحكني صراحه🤣🤣 المشروع النهائي لازم تشدون حيلكم وقولوا لها من بداية الترم تقولكم ايش المشروع افضل من أنكم تنزنقون على النهايه يصير ضغط عليكم

نزلت عندها وانا متخوفه من حكي الناس عنها بس بعد التجربه اقدر اقول انها افضل دكتوره مرت علي بالإعلام وافضل شرح مر علي بدون مبالغه اسلوبها فعلاً مختلف الامثله اللي تقولها بالكلاس مفيده وتخلي المعلومه سهله صح اختبارتها ماتعتبر سهله بنسبه لي بس اذا حضرتو معاها وسجلتو المحاضرات وركزتو بتجيبون قريد بس انكم تذاكرون بحفظ مثل باقي المواد ومو شرط تحضرون مستحيل تجيبون قريد لان مره تجيب امثله من الكلاس وغير كذا اسألتها بالميد كلها مقالي مافي موضوعي ابد

الصدق مره مظلومه ما تدقق على الحضور ابدا و الغياب ولا على التاخير شرحها عسل عسل اكثر دكتوره صدق شرحها ممتع تدخل لك المعلومه بشرحها بسهوله اختباراتها واضحه بس اذا ركزتي معها بتجيبين كويس ما تجيب برا المنهج تراعي مره اذا عندك ظرف وتعاملها مره حلو اسالتها مو مره سهله ولا صعبه مره بس تجيب من المنهج و اذا درستي بتحلين كويس الله يسعدها

للاسف كنت اشوف تقييمات البنات وقلت لا بجربها كل تجربه تفرق لكن مب طبيعي شلون تصعب عليك الماده يعني انتي طالبه ولك مده بالاختبار تبيك تكتبين خطه استراتجيه او اهداف واشياء تحتاج وقت وتفكير ولو كتبتي اللي تبينه تقييم مب زين وتنقصك لان ما تجوزلها افكارك تبي شي اقوء ومبتكر اكثر لكن مامعنت وقت لكل هذا ، اول واخر مره انزل معها

اكثر كلاس ممتع في يومي

اسطورة الإعلام، ركزي معها في الشرح وراح تمشين