الرشودي يعتبر خيار مب شين شرحه ماكنت اتبع معه فما ادري ، جلدنا فوق ١٠ كويزات لانه زعل مننا بس كثير من كويزاته من التتوريال نسخ لصق ، محاضرته ثلث او نص ساعه بالكثير ويطلعك
أنصح به بشدة بس الدكتور نظامة واضح هو شديد بالتحضير واللي يحضر عنده ٩٠٪ من الكلاسات له بونص خاص محاضرته قصيرة ما يطول ابد ويكنسل محاضرة التيتوريال وفوقها يكنسل محاضرات واجد اكثر من مره يكنسل محاضرة الخميس، فالحقيقة موضوع انك تحضر ٩٠٪ من المحاضرات بسيط جدًا الكويزات بيحاول يعطيكم كثير واخر الترم ياخذ افضل ٤ الشرح الحقيقة يشرح رؤوس الأقلام ويشرح المفهوم العام فحاول تشترك مع مصدر خارجي يشرح لك المادة وتصير محاضرة الدكتور بس تاخذ المفهوم العام
الشرح ممتاز من ناحية المفاهيم لكن الاسئلة الحسابية وطرق الحل ما يفصل فيها ولا يشرحها زين التحضير بعد 10 مايحضر احد يغيبك حتى مايعطيك تاخير لكن نص محاضرات الترم ملغيها ورمضان كامل ملغي والتمارين ملغيه والمحاضرة نادر ياخذ اكثر من 30 يعطي بونص للي حضورهاكثر من 90% الكويزات يختبركم قدر المستطاع وياخذ افضل 4
مدري عن مواد التخصص بس فالاستاتيكا الدكتور خيااالي يكنسل محاضرات وقت الميدات ونص وما ياخذ وقت الكلاس كامل وعنده بونص اذا غيابك قليل اذا تبي تفهم عليه حضر الدرس فاليوم الي قبل محاضرته وامورك تمام او تشترك مع خصوصي وتعامله يجبرك تحترمه
صراحة الدكتور ممتاز من ناحية شرح ومن ناحية تعامل ومن ناحية درجات وحبيب وتصحيحه عبارة عن دف يده خفيفففه اخذت عنده خرسانه ٢ ما قصر الصدق كان ختامية تخرج ولا اروع
اخذت عنده استاتيكا وخرسانة ١ وخرسانة ٢ شيخ ولا بعده شيخ كل المواد اصير اقل من النجاح بشي بسيط وينجحني
الدكتور رهيب ودايم يكنسل المحاضرات لدرجة برمضان ما درسنا ولا محاضره وكوزاته تعتبر وسط الى سهله بسبب انهن اسئلة تجميعات اساسا. شديد بالتحضير ويهمه الحضور وبيدفك اذا غيابك اقل من ١٠٪ + هو فاهم الماده ويشرح ويعطيك امثله من واقع الحياة لكنه يشرح رؤس الاقلام ولا يتعمق بالدرس. انصحك تنزل عنده ولا تغيب وتشترك مع خصوصي 👍
اكثر دكتور ظالمه تقييمه والله لو بيدي فوق 90 بالراحة لكن مدري عن نظامه في مواد تخصصه لكن الاستاتيكا عز الله ماقصر كويزاته سهله وبسيطه وفوقها يعطي تقريبا قريد للي غياباته اقل من ١٠٪ والصدق اكثر مايهمه هو مسأله الغياب والتحضير
الرجل متمكن من المادة ولكن ماله خلق يفصل بالشرح ويحسسك ان المادة اسهل منها مافيه الى ماتنصدم بالميد فلازم تشد حيلك من بدري مع مصدر شرحه يناسبك وحل بيدك كثير. الدرجات يعطيك حقك ويدف اللي حضوره +٩٠٪ اذا باقي له شوي عالقريد، بالنسبة للتعامل ممتاز ومتفهم
دفنا كلنا الله يعافيه، سلس من ناحية التعامل اذا تفاهم معه الطلاب وشخصيته جيده . كويزاته بسيطه .