ساعه اكتب اخر شيء يرفضون المهم اذا لقيت تجميعات نزل الاختبارات صعبه ٣ مد ياخذ افضل درجه
بكل صراحه رجل شخصيًا محترم بس ما افهم ليش تخلي الطالب يكره مادتك تعجيز بالاختبارات تهد حيله من بداية الترم انت تدري مادتك صعبه تعاون علمه وش المطلوب منه كتابك ٤٠٠ صفحه كل صفحه فيها معلومات كثيره مافي طالب بيلم في ال١٥٠ وصفحه الي تطالبه فيها يميد خلك واضح بالنهايه هم طلاب الموضوع اسهل من كذا أنا اجزم انه مو قاعد يشرح من الكتاب الي يطالب الطالب بأنه يذاكره بيعطيك بونس نهاية الترم بس صدقني من بعد اول ميد بتصير تبي تعدي لو في d لين الحين ما نزل قريده بس لو نزل A+ ما يستحق العذاب الي تعيشه بالماده
تقييم عادل للدكتور , الدكتور متميز بفهمه وشغفه لمادته ولكن يدرس مادة دسمه بشكل ويحاول قدر الامكان ان يعبي راسك معلومات انت فالاخير بتنساها, ببساطة مادته سهله ولكن دسمه بشكل مهول يخليك تستنفر منها والدكتور على كثر ما يشرح لك ولكنه فالاخير يتعامل بالنظام البحري, اسئلته دائما مليئة بالتركات , قد يجيب لك سؤال طبق الاصل وتقراه وتكتشف انه مغير حرف او كلمة وهذا الشي ينفرني من الدكاترة, بيتعاون معك اخر الترم ولكن مبدئيا الى ما قبل نهاية الترم الله يعينك وتحمل , بشكل عام ما اشوفه كاختيار اول ولكنه جيد.
الدكتور محترم وشرحه جيد اختباراته تركات جدا بشكل تحسه تحدي مع الطالب ماهو اختبار ، غير كذا الدكتور مستحيل يغير رايه إذا قرر شي ، آخر الترم أرسل رسالة إنه زود الطلاب بونص ٥ درجات لكن ما أعتقد صادق عموما لا تاخذ عنده إلا إذا انحديت. بيهد حيلك باختباراته وغير كذا ٣ ميدات حتى لو طلعت ب A والله ما يسوى التعب اللي تتعبه معه وأشوف واحد مقيم تحتي انه ممتاز لكن تراه قيم عقب رسالة الدكتور بالقروب عن البونص قبل ينزل القريد اللي أغلبنا غير راضيين عنه.
ما اعرف احد جاب درجة كاملة
باكون شفاف في التعليق اخذت عنده مادة احكام الشركات ماجستير قانون خاص ، الفائدة زيرو فعليا الدكتور مو مستوعب الماده مره، تصحيحه دقيق واختبارات صعبة بشكل مو طبيعي، وفجاه يحدد بحث مصغر على قولته مع شروط تعجيزيه في وقت متاخر ويعتقد ان الطالب فاضي لدرجة انه محدد حد ادنى في مسافة السطور !! اكاد اجزم ان كثير من الطلاب عانو منه في كل شيء ، ليته يهتم في المجال الرياضي يمكن افضل
تعاملاً وطيبة وبونص قوت لكن الاختبارات نص نص تريكات كثيرة
محاضره ممله ممله وثقيله ، مشكلته يتاخر عن الحضور كثييير ويقعد يشرح لين يخلص الوقت بعدها يحضر يعني تتاخر عن محاضرتك الثانيه وماتقدر تطلع عشان التحضير ، الاختبارت تعتمد على الحفظ المقالي لازم نصاً والموضوعي تريكات صعبه لكن مو مستحيله البحث عطانا قبل الفاينل ب ١٠ ايام تقريباً والتسليم في اسبوع ! في خيارات افضل
غير واضح ولاتعرف درجاتك الا اذا طلعت النتيجة بالأخير المحاضرة ثقيلة ومتعبة ولا ينقص منها دقيقة أخلاقه طيبة مره ما يغير رأيه أبداً منهجه طويل ومتشعب
اختبارات الدكتور صعبة جدا شبه مستحيله وقريدات الشعبه اغلبهم c و d انحش منه والشرح طويل وثقيل وغير واضح ومهما حطيت من تعب صدقني ما راح تجيب قريد ممتاز لأن الاختبارات كارثيه بين السطور وتركات