ماكنت أفهم من شرحها ومن بداية الترم صرت أدرس من مصادر بديلة باليوتيوب ، هي ماقصرت والله لكن أحس الماده يبغى لها شرح بالمقاطع خصوصاً العمليات الحيوية عشان تثبت الشرح من المحاضر مو دايم يكون واضح ، لطيفه وعسل بالتعامل دائماً بشوشه ماشاءالله ، اختباراتها سهله اذا ذاكرتوا كويس ماعليكم خوف ، أنصحكم تنزلون عندها اذا انتم من النوع اللي يقدر يعتمد على نفسه بالمذاكره اما اذا بتعتمدون على الشرح فقط ما أنصحكم بصراحه 🤍
الله يسعدها ويرحم والديها، مرة اخلاق ولطف، حريصة توصل المعلومة لكن للأمانة ماكنت افهم معها، وحريصة تحلون زين بالاختبار وتنبه عالنقاط المهمة وصدقًا ماتقصر بالدرجات تدف وتحاول مرة انها ترضي طالباتها تهبل هالانسانة
مرة عسل متساهلللللة مرة مرة، اذا سألتيها بالاختبار تلمح لك زين 😭 بس ماتغشش . عطتنا بونس وسوينا اسايمنت عطتنا كلنا درجة كاملة فيه . تحضر نهاية المحاضرة وماتدقق بالتأخير . لكن للأسف شرحها مو مرة، بس المادة مايبي لها اصلًا لو قريتي كم مرة بتفهمين
من الطف الدكاترة شرحها جميل تحرص على ترجاتك اكثر منك تحاول تساعدك قد ما تقدر و اسلوبها جميل لو سألتيها عن شيء تشرحه لك من قلب و احس عطتنا درجات اكثر من اللي نحتاجها اهم شيء ما تغيبين عن الكلاسات
كان شرحها واضح بالبداية وبعد تشابترين مدري وش صار صرت مقدر افهم معها ما ادري اذا المشكلة مني ولا من شرحها بس عمومًا المنهج تعقد وقتها أصلًا لكن إجمالًا الدكتورة كويسة وتعطي بونس بس بالقطارة🫢 وتسوي كويزات مشاركة لكن بالنهاية تعطي الكل كامل فيها
كويسه جدًا ومتعاونه بس اختباراتها صعبة صراحه واذا نشبتوا تعطيكم بونس الله يسعدها
مرنة في الحضور و لانصراف
عسل محترمة ومتفهمه ومراعيه وماتستقعد لكن مستوى اسئلتها مو ب مستوى شرحها بس تعطي بونس، كويزات كثير بس مفيده مره
تحتاج مصدر ثاني لفهم المدة
اذا ركزتي بتحلين زين في الاختبار