لمياء الجماز

درستني ترمين تقدرون تقولون ان الرهاب الاجتماعي مات و ان الخوف من الأغلاط راح اول الأيام بتتعقدين صح و يمكن تصيحين قبل المحاضره لكن بعدين بتسوي شيء بحياتك صدق بتقويك كانت تخلينا نكتب كل كم يوم و أحيان يومي و الca راعتنا جدًا تحب الي يشارك و المتفاعل معها و نقرا يومي و نحل الفوكاب يومي بالدور مافيه نوم معها ولا فهاوه لأنك يمكن تقرين بأي لحظه بس رغم ذا كله عسل الله يوفقها صدق بتوحشني دكتوره لمياء صدق دكتوره اجيال الله يذكرها بالخير ❤️❤️

الله يهديها مشكلتها تسأل كثير وغصب تجاوبين وكثيرررررر تطلب منا نكتب رايتنق وكلنا لازم نقراه واذا ماقريناه تنشب

افضل من درسني دكتورة شاطره وتخليك منتبهه معها غصب ما اظن قد قابلت دكتوره كذا، عسل وتتفهم بالتأخير او بالتسليم، مستحيل يمر كلاس بدون ماتخلي احد مايشارك تقوم الكل غصب وهذا احلا شي طورني من نواحي كثير، انتبهي معها وشاركي بين فتره وفتره وامورك تمام التمااااام، اما اذا بتقعدين تسولفين ومابتنتبهين معها واذا قومتك ماتعرفين تجاوبين ما اظن في دكتوره مابتعصب من هالناحية، بالنسبه للدرجات مره متعاونة وتتغاضى عن الاغلاط، بال ca عطتنا كلنا كامل رغم ان بعضنا ماكان حافظ زين.

تجنن و عسل كنت اتحمس لمحاضرتها 🤍

قبل أربع سنين كنت تحضيري وأدرس معها ، والان اشوف ثمرة دراستي معها ، صح كنت اخاف واكره الكلاس وأتوتر واتفشل كثييييير بس والله عطتني درس صرت اشكرها وادعيلها لهاليوم، لكل بنات التحضيري ماعليكم كلاسها بيكون اثقل كلاس بس بعدها بتروح عندكم رهبه الالقاء وأنك تستحين من اي كلمه تقولينها

الصراحة كنت مره متخوفة منها خصوصًا اني ما احب المشاركة إذا ما رفعت يدي، الصدق تقوم الكل دائمًا، تطلب كثير كتابة وبوقت قصير واذا ما أمداك تنشب لين تخلصين ما تنساك، توترني جدًا وتقارن كثير وتفشل الواحد مره، قد طلبت نلخص الوِحْدَة وما عرفنا وش تبي بالضبط ما وضحت وقامت فشلت المجموعة مره، ومن ناحية الـCA كانت تدقق بالوقت ولازم تحفظينه مره ولا تناظرين اللي كتبتيه إذا ما حفظتيه عادي بتخليك تعيدينه أو إذا خلصتي بدري تسألك لين يعدي الوقت بس عطتنا كامل كلنا الله يوفقها وهذا الأهم يعني عليك بس باختباراتك.

تنشب على المشاركة وتطلب برزنتيشن كثير وتقول لمصلحتكم بس الوقت اللي تعطينا مره شوي والقدرات تختلف من طالبه لطالبه بس الله يستمحا ما كانت تراعي هالشيء وان اختارتك وقلتي انك مب مستعده تستقعد لك وتقعد تقول لا تضيعي وقتي وقومي وعادي بتقعد دقيقه تناظرك تنتظرك تقومي سببت لي احراج وخلتني استقل محاضراتها رغم اني اشارك معها كثير المهم اذا لغتكم زينه وسريعين بتمشو معها واذا لا عاد الله يعينكم بيصير طول المحاضره مستعجلين عن نفسي اعتبر محاضرتها تعب نفسي

لطيييفة مرة بالتعامل ومتعاونه بس تحب ان الكل يشارك ويتفاعل معها وتحب البرزنتيشن، يعجبني كلاسها الله يسعدها

جربتها اونلاين وصراحة مرة أعجبتني لطيييفة بالتعامل مرة لكن مشكلتها تحب المشاركات مرة وتقوم بالاسم + تحب تعطيكم موضوع وتسوون برزنتيشن عنه، صح كان متعب مقارنة بباقي الدكتورات لكنه يطوركم ويساعدكم لذلك حاولوا تشاركون معها وتسوون البرزنتيشن من اول ماتقول عشان ماتناديكم بالاسم

ماكانت تعجبني صراحه لانها تنشب على المشاركه و تقوم على كيفها رغم ان ماعليها درجات شرحها زين تشرح بذمه وضمير و CA كان حلو معها تقريبا الاغلب اخذ كامل يعني تدقق بالوقت شوي و عادي تخليك تعيدين عشانك ما طولتي