خذي عندها وانتي مغمضة
دكتوره رائعه ولو في مقرر ثاني عندها نزلته بدون تردد الله يسعدها ويوفقها يارب ، كلاسها وشرحها ممتع جداً وروحها حلووه ومررنه بالتعامل والمقرر كان خفيف لطيف معها
افضل دكتوره مرت علي انسانه فعلا تهتم للطالبه وتقدرها شرح يفتح النفس للمذاكره وتسوي مراجعه والي تبين اسأليه ومراااااعيه جدا الله يوفقها ويسخر لها ما تتمنى
ليه تقييمها مو ١٠٠ !!! الله يرزقها سعاده الدارين اسلوب اختبارات كل شي فيها ومبدئيا باول محاضره تقولكم انا البونس حقي قريد كامل ترا والتكليف حقها واحد تتقسمون مجموعات وتسوون عرض بوربوينت بدون شرح بس تسلمونه لها اخر الترم.. يا كثر الحب بس احلى كلاس بيومي❤️
انا والله متاكدة ان ربي بيوفقها بحياتها على المدح الي قاعد يجيها وتيسرها ع الطالبات. والله والله والله اول مرة ما اعرف وش اقول واكتب عن دكتورة لكن الله يسعدك وين ما كنتي ويسخر لك ما تتمنين علمًا ان المادة شوي دسمة وكثيرة لكن سهلت علينا ومن كثر ما سهلت علينا مستحية اني جبت عندها A
الله يسعدك وين ماكنتي ويفتحها عليك افضل. دكتوره
وششش أقول وش أخلي ، محظظوظين اللي بينزلون عندها ، صرت أحب بداية الأسبوع عشان كلاسها ، ممتع بشكل مو طبيعي ، تشرح وتجيب أمثله وتثبت المعلومة براسك ، المادة سهلله مره ومع شرحها صارت سهله وممتعه ، مارح تتعبين بالمذاكرة إذا ركزتي معها بتصير مراجعه فقط ، والله يعطيها العافيه ويجزاها خير سهلت علينا وعطتنا كويز عليه ٥ درجات بونص أعسل منها ما فيه ، الله يكثر من أمثالها ويوفقها وين ما راحت 🩷🩷🩷
بنات الدكتورة ذي أسطورة فعلياً لو لقيتوا عندها كلاس لا تترددون مافي احسن منها جد. إذا عن الماده أنا اخذت مبادئ ف ما كان صعب وهي تسهل الاختبارات و المشروع كان بسيط صراحه.
عسلللل الله يوفقها دنيا وأخره يارب افضل دكتوره فعلاً
شيخه كليه التربيه اخذت عندها مدخل وجبت A و نمو وجبت +A مره راقيه فنانه اهم شي اذا تبون قريد كويس لاتغيبون عن الكلاس لانها تشرح بذمه وضمير تفهمك المعلومات بشكل خيالي تحسين انها موب استاذه بروفيسوره ، وعندها ميدين واول واحد حطت سوال بونص بالمادتين كلها واختياراتها موضوعيه،وتكاليفها بالمادتين كلهم سهله وتقسيم الدرجات مرضي وكريمه بدرجات التكليف ، من كثر ماانها خياليه كل شعبتنا يبون ينزلون معها الترم الجاي