استفدنا منه كثير. صراحة سهل لنا المقرر الله يجزاه خير ما قصر معنا
والله سمعت كلام سيء كثير لكن فالاخير طلع كويس جداً وصح التصحيح فالميد الاول ثقيل مره لكن الباقي بيتساهل لابعد درجه نصيحتي اسمع لكلامه وطبقه بالحرف بتلاقي الموضوع ماشي معك تمام وتفاجأت بقريد اعلى من اللي جبته الله يوفقه وييسر امره
اسطوري دكتور متفاني ومخلص بمعنى الكلمة تطلع من الماده مستفيد مليون بالمية لكن اذا جاي تبحث عن درجات اكثر من حقك مافيه ,,, الدكتور حقاني تاخذ حقك كامل ومكمل
اذا ركزت بتحل زين في الاختبار
بختصار افضل دكتور من ناحية الشرح، يشرح لك حبة حبة لين تفهم غصب لكن درجات اهرببب اذا خايف على معدلك لا تنزل عنده
هذي ثاني مادة ادرسها عنده، افضل دكتور مر علي من ناحية شرح بيحببك بالمادة واختباراته في الترجمة كلها من النصوص المأخوذه ومايطلع منها ومن ناحية تحضير جدًا مرن تقدر تحضر وتطلع بس من ناحية درجات يده ثقيله شوي ويطلب ترجمة معينه بس بالمجمل ماقصر معنا، الله يجزاه الجنه.
ما راح يمر دكتور يعطيك فايده مثله اعتبره لحاله في كوم وكل الدكاتره الثانيين في صف ثاني اسطوره الاساطير فايده علميه كبيره جدا راح تكتسبها معه لكن تحتاج انك تهتم عيبه انه شديد فالتصحيح والدرجات بس غيرها كلها عال العال
يا أطلق دكتور في العالم، شرح واسلوب، لكن تراه شددديييد في الدرجات ومايعطي احد اكثر من حقه، تشارك معه وتركز بالكلاس اضمن لك أ+، معايير درجاته واضحة من أول الترم واذا شفت عنده كلاس نزله وانت تضحك
المادة صعب الصراحة و اعرف كثير حملوها بس الدكتور بيحاول يفهمك باي طريقة لو تكلمه واتس رد دكتور متواضع و يحب لك الفايدة الله يسعده
ما ادري ليش بعض الطلاب خوفوني منه مع انه ممتاز ويخليك غصب تفهم ويخليك تحترمه غصب. حتى الدرجات جبت عنده B رغم اني ما ذاكرت زين للاختبار النهائي ودرجتي في الشهر الاول 7 او 8 من عشرين. اكثر شيء حببني فيه ما يجيب اسئلة من برا ولا من بين السطور. بس لازم تدرس وتسجل معه كل شيء لان اسئلته من شرحه. صراحة أفضل واحد درسني في حياتي مو بس في الجامعة