على قدر من الاخلاق والإحترام الله يسعدها والله لكن مافهمت ليه درجتي نازلة شوي رغم نقصت درجتين بس بمحاضرات التمارين والكويزات وكلمت الدكتورة الثانية قالت من دكتورة التمارين يعني صراحة خسفتني فيها رغم ان مستواي كويس واشارك معها بس معليه
اخذت معها تمارين ريض ١٥١ ، حليله و مرنه لكن مشكلتها هي المشاركة😅 بس ما تحب ابداً انها تحرج طالبه او تقوم احد من الاسماء وتحاول تساعد قد ما تقدر بس لازم تقفلون عدد المشاركات اللي هي طالبتها ، للامانه كانت تشرح التمارين كأنها محاضره شرح وتحاول تفهمنا وهذا الشي مره يساعدنا لان شرحها حلو ومختصر ، لو قدرت انزل عنها مره ثاني بنزل
درست معها الترم الاول محاضرة ١٥١ وللحين مالقيت افضل منها بالجامعة شرح واسلوب واهتمام الله ييسر لها يارب وتتقبل النقاش وسمحة مره تمنيت كل مستوى عندي ريض وادرس معها 🥹🥹
من الآخر كلاس التمارين معها يغث لو عندك تمارين ريض أشوفها آخر خيار المشاركة كانت ثقيلة معها و تسكب التمارين البسيطة وتختار المتوسط والصعب طيب أنا ودي احل السهل وش تبين أنتي كانت مشاركاتنا ٦ بداية الترم ونهاية الترم الاغلب ما كمل مشاركته فنزلتها ل٤ مشاركات بس وشو الترم كله وأنا شايله هم ال٦ ( دكتورة بدرية الشهراني عسل) لا تتعدونها كانت هي ماسكه المادة
دايم ارسل لها ايميلات ولا ترد، المشاركه غثتنا فيها، شرحها بطل بس الاسلوب مب مره، شديده بخصوص التأخير، تستقعد اذا طلعتي تشاركين بالايباد، اخذت معها تمارين ١٥١
اخذ معها تمارين، كويسه. بخصوص المشاركه هنا المشكلة، احس تختار بنات محددات وتسحب على الباقي قسم بالله زهقت
خذي عندها وانتي مغمضة
مرنة في الحضور و لانصراف
التقييم بدون تعليق
اول التشابترز كنت مره افهم لاني اذاكر اول باول وشرحها مره حلو بس بالاخير صرت استصعب الفهم مدري هو السبب مني او منها بس ما احس ان شرحها اسطوري بس حلو وميزتها الكبيره نفسيتها ولسانها اللي ما قد سفت اعسل منه بالجامعه (ولا بحياتي🫢) وبعد انها تتقبل الاسئله ومستعده تعيد لك الين تفهمين الله يسخر لها