مره كويسه صراحة وانصح فيها بقوة، بس مره تقدّر وتحب اللي يشارك معاها بالمحاضرات وحاولي تخلينها تحفظ اسمك وتعرفك بالنسبة للميد والفاينل كانت من متوسط مايل للصعوبة واهم نقطة انها تتفهم لمّا تناقشينها بدرجتك بالمكتب، اما الكويز كان اونلاين وسهل مره سلايداتها كانت قليلة ومقدور عليها الشرح صراحة عادي الى جيد مع انها لازم تتأكد انك فهمتي لو تسألينها مليون مره تجاوب لين تتأكد انك فاهمه بشكل عام ارجع انزل معاها مره ومرتين مره محترمه واسلوبها عسل عسل
قشطه وبس❤️ الله يسخر لها وييسر لها زي ما يسرت علينا الميد والكويز كانوا سهلييين مره الحمدلله، الفاينل كان مستواه مو صعب لكن فيه اشياء غير متوقعة جات، وتفهمت هالشيء هي وما دققت بالتصحيح، عسل صدق❤️❤️
حبيبه وتحاول تشرح قد ما تقدر وتطرح امثله كثيره ولو ما فهمتو بتعيد لكم لين ماتتاكد انهم فاهمين. الميد حقها للامانه كان صعب شوي وقالت ممكن اعطيكم بونس لكن شكلها غيرت رايها، جزئيه الاختبارات قلييله والماده مو صعبه فبتطلعون بقريد حلو . فالكم التوفيق
شخصيا ما انصح فيها .. تصحيحها غريب وتبي اجابة معينه ببالها خصوصا بمقالي القضايا وبالفاينل جابت لنا اسئلة غير متوقعه ولا كانت مركزه عليها حتى بالشرح. طريقة شرحها ماناسبتني تقعد تقرا السلايد وتضرب امثلة متى ما تبي تعتبر خيار مش ولابد
تحط السلايد وتقراه حرفيًا، الماده تحتاج فهم واسئلتها صعبه بالذات القضايا وهي ما تشرح ابد، الميد الاول كان صعب كان صح وخطأ مع التعليل والتصحيح واختياري، قالت بجيب قضيه وحده موضوعي لكن جابت اغلب الصح والخطا قضايا وصعبه . الميد الثاني خلته اونلاين والفاينل سهلته هذا الي انقذنا، ما تعطي بونس ولو باقي لك ربع درجة على القريد الاعلى ما ترفعك مع انها قالت يمكن ارفعكم😔، عندها برزنتيشن قضيه، تقول ما تهتم للحضور ابدا عموما ماهي بذاك السوء اذا انحديتوا عليها تقدرون تطلعون بقريد زين.
الدكتوره كويسه مره ومحترمه صح ان شرحها عادي ومو مره بس كان واضح لان توها راجعه واحنا كنا اول ناس تمسكهم، اسئلتها مو صعبه ومقدور عليها بس كان يبيلها تركيز خصوصا اول اختبار، الاختبار الثاني مره سهلته وتعاونت معنا لما شافتنا استصعبنا الاول وحتى الفاينل ما صعبته وكان مررره كويس وسوت اب قريد من درجه، تعتبر خيار ممتاز جدا جدا جدا مقارنه بدكتورات الجزائي بشكل عام
اذا ركزتي بتحلين زين في الاختبار
ما تدقق بالحضور بس مشكلتها تعطيك كلام وتجيب شي مختلف قالت لنا ما فيه مقالي بالميد وجابت مقالي كثير ٦ او ٧ فقرات تقريبا صح وخطأ مع تعليل - روحوا لها المكتب ناقشوها ممكن تزيد لكم درجه من هنا ولا هنا الكويز صعب شوي دقيق - الفاينل متوسط الصعوبه بس الاغلب نزل قريد ما اعرف وش السبب بالضبط بس اذا تبين قريد كويس لا تنزلين معها