الدكتور كتعامل و اسلوب ممتاز بالمحاضره و لكن من ناحيه درجات انسى تجيب عنده A+ اذا انت شاد معه و تحدد وراه و تكتب ممكن تجيب B+ الدكتور جديد على الكليه و و على التدريس اساسًا و شرحه أقل من الوسط ممكن بعض الشباب معنا يشرحون افضل منه بمراحل و لكن على العموم اذا مافيه خيار الا هو نزل عنده و توكل على الله + ما عنده معايير للدرجات ما تدري وش بيكون مصيرك ما بتحمل الماده لكن ممكن يخفس بك
درست عنده دولي١ وجزمت إني ما عاد راح ادرس عند أي مادة لكن قدر الله علي واضطريت إني اخذ عند الترم هذا دولي٢ يعلم الله أن الرجال اختلف علي مرة من ناحية شرح الله حق ما في شرح أبدا لكن إذا بتعدي المادة تقدر بالراحة بدرجة زينة رغم إني ما ذاكرت إلا تفريغ أحد الزملاء والتفريغ كامل ما يتعدى 30 صفحة وغير كذا اللي يدخل معك في الاختبار النصفي ما يدخل النهائي اشوفه خيار جدا ممتاز من ،ناحية الدف ما أعتقد أنه يدف دخلت بمجموع أ وطلعت ب أ والصدق يده كانت خفيفه في النهائي ما قصر الله يعافيه
الدكتور ماتدري وش يشرحلك ولا وين يشرح وهو بنفسه مايدري وش يقول، محاضراته اونلاين، ميد واحد من 35 وحضور 20 وكويز اونلاين 5، الدكتور ماتدري وش الحل الي يبيه بالميد خسف فيني بالميد وانا متاكد من حلي بس لازم ينقص كم درجه من كل سوال، درست عند الرميح دولي 1 والله فرق كبير نزل عند السحيمان وانت مغمض
دكتور يحتاج له كم سنة ويصير افضل دكتور في العالم
تحتاج مصدر ثاني لفهم المدة
من ناحية الاختبارات في دولي 2 كان ميد 40 ولكن خلاه 30 و كويز 10 و الميد كان سهل 4 صح وخطا و 5 اسئلة مقالي وكله اسئلة عامة مثل ما هو النظام القانوني للمياه الداخلية وعاد اكتب كل شيء برأسك كل ما كثرت كل ما ضمنت الدرجة .عنده نظام بلوك الميد ما يجي بالفاينل. الفاينل كان 10 صح وخطأ و 6 مقالي وكان المقالي زي الميد ولكن مهب عامة مرة. والقريد عنده ما هو صعب. الكويز كان قضية وعليها 3 اسئلة ودف فيها السحيمان بالنسبة لي اختلف من ناحية التصحيح واسئلة الاختبارات للافضل .. ولكن الشرح يحتاج يشد حيله فيه اكثر
الدكتور محترم لكن يشهد الله ماتدري وش يبي إجابة حتى لو كانت إجابتك صحيحة لازم تنقص سواءا في اختبار أو تكليف ، يادكتور محمد هداك الله ترى لسنا أمام اختبار يحدد حياتك أو موتك ، إذا كانت الإجابة صحيحة أو قريبة للصحة مالذي يمنعك لإعطاء الدرجة كاملة؟ يقول ﷺ: اللهم مَن وَلِيَ من أمر أُمَّتي شيئًا فرفق بهم فارفق به، ومَن وَلِيَ من أمر أمَّتي شيئًا فشقَّ عليهم فاشقُقْ عليه. وليتك ترى بقية الدكاترة مثل القرني والعيسى وبن عتيق وغيرهم ، الذين يدعون لهم الطلاب حتى بعد تخرجهم. أسأل الله أن يوفقك ويهديك.
اكمل تقييمي السابق واقول واتمنى انك تقرأها وتتأملها، يا سعادة الدكتور محمد اتق الله فيما تصنع وحلل مالك اللي تطعم فيه اسرتك والله لو انك تأخذ ثمار و مرتب ما تصنع والله ما تأخذ ريال يا اخي اتق الله تشق على الطلاب وتأمرهم بالكتاب اللي غير اكاديمي و ما تشرح ولا حرف يستفاد منه و فوقها تجيب اختبارات صعبة من الكتاب اللي لا يمكن ينفهم وفي الختام اذكر بحديث الرسول ﷺ (اللهم من ولي من أمر أمتي شيئاً فشق عليهم فأشقق عليه، ومن ولي من أمر أمتي شيئاً فرفق بهم فارفق به)
دكتور الكل اجمع على طيب خلقة لكن ما يعرف يشرح ما يقول كلمتين على بعضها و عدك تعذره والناس تختلف لكن موب ما تشرح وتصعب المادة اقلها تعاون معنى اختباراته صعبة الميد من ٤٠ مقالي خيارات صح وخطا كلها من كوكب اخر الاغلب نقص حول ال ١٠ درجات بالراحة والنهائي جابة خيارات وصح وخطا اسئلة مبهمه شعبتنا حول ال ٦٠ الى الان ٣٨ طالب غير راضي ويبغى يرفع تظلم اذا تبغى الفكه من الماده نزلها لكن لا ترفع سقف الطموح والله يسامحك يا السحيمان
ىْحر معدلي ؛ شرح ما يعرف يشرح ٥٠٪ اءءءء و ٥٠٪يبلع ريقه ، والمادة معه حرفيا ضياع ، اخلاق الرجال لكن ماني مناسبه انا عشان تكون هي كل شيء والوحيد ! كنت اضرب مشوار عشان شرحه بالنهاية ما افهم ، درجات منقصنا كلنا من ٨ درجات وعليها ، فوق التلطيع في الدرجات واعمال السنه ما قال لنا كم بيعطينا ، ما اقول الا لاحول ولاقوة الا بالله