تونس بالمادة تقعد تشرح وتسولف ينفس الوقت شوي مزاجية وتعصب احيانا ، اختباراتها مو واضحة شوي واحس التصحيح فيه مشكلة كلنا بدون مبالغه ننقص اربع الى خمس او ست درجات مع كل اختبار انا عن نفسي نقصت نقص ماتوقعته اعطتنا كامل ببقية اعمال السنة من بحوثات والله يسعدها اساسا هي متعمدة كذا عشان يمدي نعوض درجات كانسانة عسل وحبوبة وشرح ممتاز بس ما افضل اخذ معها مره ثانيه
التعامل معها جدا صعب اسلوبها جدا سيء وماتحترمنا سجلت فويس تهاوشني وطلعت هي الغلطانه متعبه متعبه متعبه متعبه معايير البحث رفضت تشرح لنا تقول انها شرحت لنا وماصار الا في خيالها جالسنا طول الترم منحاسين ماندري وش نكتب لانه بحثها غريب مو محاور نفس البحوث الي نعرفها تجربه سيئه الله يسامحها
ما اعرف احد جاب درجة كاملة
بكل مصداقيه الدكتوره تغيرت عن قبل كثير يعني عالكلام الي قريته توقعتها اسوأ بكثير فيه عيوب مانقول لا لكن لاحظت انها حريصه على رضا الطالبات فالاول وفالاخير وتسمع وتاخذ وتعطي بالكلام بس يعيبها انها مزاجيه وفجأه تفصل احيانا تقول كلام وتنساه بس اشوف كلها امور عاديه طالما اسالتها سهله وتدف شوي بالدرجات
تشفع لها اسئلة اختباراتها وجزئية اختباراتها متوسطة لكن كشخصية! ماابي اقول غير شيء واحد اذا هي تقرا ترا عادي لو تتعالجين لان شخصيتك جداً مضطربة والواضح انه بسبب عملك الاخر الاستشارات الاسرية عموماً الله يعينك وهذا مايشفع لاسلوبها وقلة ادبها
كيف اختباراتها؟ الاختبارات لك عليها محد جاب كامل الا كم بنت.بالفاينل جحفلتنا وجابت من جزئيه قايله عنها بتصير موضوعي، تكرر اسئله الميد بالفاينل+ صيغة الاسئله تحوسك حوس كيف تعاملها؟ فجأة تفصل فصله تخرشك وعادي تفشل طالبه قدامنا بس اذا حبت شعبتكم تتحسن معكم وتساعدكم مزاجيه يعني وشرحها كيف؟ خيال بس لو تقلل سوالفها الخاصه والمهنيه وما تتناقض بكلامها افضل لان نطلع واحنا كارهين الدنيا+ تخطط معكم المهم تعطي بونس؟تعطي للي منخسف مره بونس ٣-٢د ارجع اخذ معها؟لا طبعا تحسب غياب؟ اي عشان الحرمان بس ما تنقص
تصحيح دقيق بزيادة
الدكتوره الله يهديها نص المحاضره تتكلم ع استشاراتها وحياتها ودراستها ببريطانيا وتناقض بالكلام وتقولك بسوي كذا وتسوي غيره ولما تكلميها تقول متى قلته والله شي متعب
احب الناس الي تسعى وتطور وتغير من نفسها وتتعلم من اخطائها و د.فوزه من هالناس الي على كثر ما كنت متخوفه اني اخذ عندها على كلام البنات الا انه لمن نزلت عندها انصدمت شكثر هي عسل وطيوبه تحسونها وحده منكم مو دكتوره مافي اي حاجز بينها وبين الطالبات صح درجتي سيئه جداً عندها بس الخلل مو منها للأمانه الماده ثقيله واكثر من مرجع وانا انتهت طاقتي فا درست الي قدرت عليه فقط م اجتهدت ابداً وما اتردد اخذ عندها مرا ثانيه يكفي انها متعاونه وتسمع لنا وتخيرنا بالاختبارات الي نبيه بالاسئله الله يسعدها ويرضى عليها .
ما اعرف احد جاب درجة كاملة