كأول مره ادرس عند دكتور وتجربتي جميله الدكتور محترم جداً ويسر في التعامل واختباراته سهله للي فاهم لانه يحب الي يكتب من فهمه ماعنده شروط اهم شي تكون فاهم وتكتب اكثر من سطر في التكليف عطانا كامل لكل الشعبه وكان يعطي بونص للي يشارك صح ان شرحه سواليف ولا ينفهم بس الملزمه الي عطانا فيها كلشي واضح الله يسعده يارب واتمنى انه يدرس اكثر من مقرر للبنات
من ناحيه المرونه جدا مرن ومحترم مره ويحترم ظروفك في حال غبتي هذا الشي الي اشهد عليه بس الصراحه تكاليفه حقت الاسئله اول مره تمرني ويمكن عشان كذا استصعبتها لانه مايبي اجابه قصيره يبي تكتبين عشر اسطر لكل فقره عشان يصير صح لكنه ممتاز بالتدريس ويفهم الحق ينقال يعني ومستعد يشرح ليين ماتفهمين وحاط مساحه نهايه الكلاس للاسئله للي تبي تسال يعني بصراحه الي بتنزل عنده لا تخاااف ومتعاون للامانه لكن مذاكره الميد لازم تشد عليها لانه مقالي والفاينل بعد يعني كلهم يعتمدون عليييك ميه بالميه لازم تكتبين اسططر
ياناس شيخ شيخ مررن جدًا صح اختباراته صعبه لكن بتتفاجئون بدرجتكم بالنهاية كيف بتصير يدف دف وأعمال السنة كاملة " اختباراته مقالية وبسسس " عشان كذا يبيلها مذاكرة اسبوع قبلها واتحدى احد يجيب عنده اقل من B+
من أفضل الدكاترة اللي درست عندهم همه الأول والأخير هو ان الطالب يفهم المادة وينجح فيها ويتأكد من فهمكم من خلال مشاركتكم معه دايم شاركوا سواء كنت متأكدين او لا يقدر هذي المشاركة الله يسعدك دنيا وآخره يادكتور
الدكتور هذا محترم بشكل ويقدر الطالب ويعطيك حقك مهما صار ويمشي باشياء كثيره منها صح ان تكاليفه مو سهله بس يستفاد منه بالفاينل والميد
مستحيل اخذ عنده مره ثانية
اخذت معه هالترم واخر تقييم له كان قبل ثلاث سنوات مع العيال عشان كذا خفت ولكن تفاجئت انه دكتور محترم جدا ومتعاون لابعد درجه سهل لنا الاختبار وقلل الاساله لنا وعطانا حق الاختيار للمشروع وبالكلاسات يسال اساله عليها بونس من الاخر قدع والله يجبر الشخص يحترمه بس انتبه تنرفزه او تتكلم عن اسلوبه في التدريس والاختبارات لانه هالشي مايعجبه شكرا برفسور محمد 🙏🏻
متعاون جدا وتهمه مصلحة الطالب الله يوفقه وين ماراح
اذا انت بتذاكر معه كل اسبوع وتحل الأسأله بتمشي امورك بتاخذ B+ و فوق بس اذا مالك بل مذاكره لا تنزل عنده + تكليف طوييل بس يعطيك تكليف بالترم + يدف على الخفيف + انتبه تحط رجل على رجل بالاختبار يشخصنه شوي
الدكتور كويس بس بيلعب بنفسيتك طول الترم اذا انت انسان فاضي وبتذاكر مادته قبل الاختبار 4 ايام نولها وانت مغمض لان نظامة يعطيكم 24 سؤال وهي بس الي داخلة في الاختبارات بس اجوبتها صفحه لصفحتين والدكتور يعشق الهبد اهبد له وببتاخذ قريد