اذا تبي تصفط المادة على جنب وتركز على باقي المواد نزل عنده حرفيا بتنسى المادة خصوصا لو جاك سراج بالعملي ما يعطون كويزات ابد وتصحيحه بالميد رهيب والمشروع تسليك الف والمادة كانت خفيفه وسهله معه لا تعتمد عليه بالشرح انا شفت مقاطع عادل نسيم وتدربت عالاختبارات السابقة وكفت ووفت من ناحية حرمان ما يحرم والتحضير اذا تاخرت ما يدقق
تحتاج مصدر ثاني لفهم المدة
انا ما اذكر اني حضرت الا ٤ او ٥ محاضرات الباقي يا عن بعد او اغيب ، كان يحضر بس الواضح انه سحب عليه فالاخير ، تصحيحه اسطوري والمشروع ينقصك عليه درجة او درجتين اذا سألك ولا جاوبت وقت المشروع ( اسئلة بسيطة عن اشياء في لغة البرمجة نفسها ) ، طبًعا لاااازم تشوف عادل نسيم او الدسوقي وانا افضل نسيم مع مذكرة حمادة والاهمممممم اهم شي في هالمادة ((( الاختبارات السابقة ))) حرفيًا نص الاختبار نسخ لصق من الاختبارات السابقة ، انا جبت B+ بسبب اني مهمل المادة ولا ركزت على حمادة بقوه ، لو تعطيها وقت A+ ايزي
تصحيحه اسطوري بالميد لكن الفاينل تغير شوي، تعامله ممتاز، التحضير باخر المحاضرة، شرحه سيء لكن فيه مصادر باليوتيوب كثير
والله يا في ناس يطبلون له ياخوان اقسم لكم بالله اني جايب كامل بالعملي واعمال السنة فوق ال54ويوم الاختبار دخل علينا معاه ورقة الكشف مجموعي 49!! قلت ليه يادكتور ناقص كذا باعمال السنه وانا جايب كذا وكذا وكذا قال مالي علاقة فيكم هذي درجاتكم النهائية ورصدتها بس تصحيحه بالميد كان ممتاز اما بالفاينل يخفسك على بلاطه بيرفعك بالميد بعدين بيصفقك صفقت العمر بالمجموع😅😅😅😅 لا تستغرب اذا نقصك قريد منقص واحد من اخوياي اكثر من قريد بس كذا مزاج
دكتور غريب وبتكون المادة معه فوضى بس منتب شايل همها المادة سهلة والدكتور شرحه سيء ولايعرف وش الدروس الي بالميد حتى بس يعطيك ورقة التحضير ومايطلب تكاليف الا المشروع ويدف بس مرات ينقصك وانت حال صح فا راجع ورقتك معه ويغششك بالاختبار بس مرات يغششك غلط (لانه مايعرف الحل اصلا) فا يعني خذ وخل بس دكتور ممتاز
افضل دكتور للناس المضغوطه في الترم وما وده يشد حيله شخصيا اظن انه دفني دكتور جيد وخصوصا إذا جاك سراج في العملي كومبو رهيب
الدكتور جامد للي ناوي يسفط الماده ، ما يحرم والتحضير لو تعرف احد بالشعبه يحضرك سهالات ، فوضوي جدا طول الترم تحس ما فيه شي يمشي صح معه، كان فيه ١٠ درجات على الكويزات ولا كان يعطينا كويزات وبالفاينل وراني مجموعي من ٦٠ واكتشفت انه معطيني ٨ مدري على اي اساس ، المشروع خذ كود من شات جي بي تي وافهمه زييين وقدموه صح تاخذون ٩/١٠ بالراحه، الدف لا تامل واجد لكن افضل من غيره
ممتاز ما يحضر او ما يهتم والمشروع سهالات معه وفوقها تصحيحه كويس لكن شرح لا تدور عنده
الدكتور للامانه ممتاز بكل شي الا الشرح وسط لكن المادة لها مصادر كثيره ف ما تفرق، تصحيحه بالميد كان ممتاز ، وبالفاينل لاب مرن يسمح لك تغير السؤال اذا ما عرفت له يسمح لك تفتح الكتاب او سلايدات، يحب الي يشارك، وعنده بتريح لأن مافيه تكاليف ولا شي والتحضير يعطي الطلاب ورقه واذا جيت اخر الوقت يسمح لك تحضر