شرحها ممتاز أعجبني اكثر من الخصوصي يعني يدخل اعماقك ، تهتم للتأخير و ما تحبه ، تعرف كل البنات و تعرف المركز من المفهي و تذكر الي يشاركون والي لا يعني يفضل تكونين مركزة و تسألين إذا ما فهمتي لانها بتحاول جد تساعدك ، تصحيح الواجبات مره زين الصراحة . بشكل عام مررره ممتازه
شرحها لا يعلى عليه صددق توص المعلومه، بس والله اسلوبها مب مره واحسها تحب تحجر لك او تحرجك وانسانه مزاجيه جدا، الواجب دقيقه بالتصحيح مره يعني صدق انتبهوا، وتحب الي يشارك بس انا كنت أخاف تفشلني او تحرجني فما كنت اشارك كثير،الايجابيه فيها اني لما اراجع الدرس اتذكر شرحها صدق ماشاء الله عليها، وإن شاء الله يتغير اسلوبها لانه الشي الوحيد الي مب زين فيها
الدكتورة ممتازة مرره تهتم للمشاركه مره واهم شي عندها بالمحاضرة وتلاحظ اذا كنتي مركزة وتحلين معها ولا لا. تركز عالاشياء اللي بتجي بالميد والفاينل وتعطي ملاحظات كثير بالمحاضرة وضروري تركزون عليها لانها اشياء فعلا مهمة وتقول وش الاشياء اللي مايركزون عليها البنات قبل ويغلطون فيها المحاضره غالباًا تكون خفيفة والشرح فيها واضح وسهل لكن لازم تراجعون وتحلون بالبيت الدكتورة عسل عسل وكريمة بالدرجات وبالواجبات والاشياء اللي تقدر عليها وتشرح من قلب وما تقصر ابدًا بس لاتتهاونون بالمحاضرة ولا المادة ككل
ما اخفيكم اول محاضره معها عطتنا انطباع 👎🏻 عنها كانت تقول ضيوف الشرف اللي مايشاركون شاركوا ومدري ايش (تراهي ماتختار عشوائي ابد) المهم طلعت من المحاضره وانا ضايق صدري، بس من المحاضره الثانيه بدت تتغير وماكملت شهر الا وانا حابتها شرحها رهيب وتعاملها تغير وتقول اشتقت لكم وتراكم محلوين وماعاد تقولنا شاركوا بس تنقص فاشاركوا ولو شي بسيط انا مشاركتي كانت مو واو بس عطتني كامل حتى بالواجب تنقص شي بسيط ينجبر انا عطتني كامل وحلي كان عادي وكنت اتأكد من الحلول المنتشره تصحيحها مو تعجيزي تقدرون تجيبون كامل
اكلمكم من قلب التخصص واقولكم اشتقت لها🥺🥺🥺🥺🥺❤️❤️❤️❤️❤️شرحها بالممخ الله يسعدها ويوفقها بس عاد خلوا صدركم وسيع معها تحب تطقطق وتمزح وتراهي عسل عسل ياليت ترجع تدرسني
التقييم بدون تعليق
عسللل عسللل شرحها ماشاء الله تبارك الله يجنن وتفهمين منه ، تحب مرره اللي يشاركون دقيقه شوي بتصحيح الواجب لكن ماتنقص كثير ، متعاونة مره وترد على الايميلات
خذيت عندها ريض ١٠١ وصدق كانت شديده ومرات تنفس علينا بس علشان مودها شين فما اعجبني تعاملها ابدا وكمان تحب تحجر لك كثيرر ولكن من ناحية الدرجة فلا تخافين بتعطيك حقك نصيحتي شاركو معاها كثير وبينو انكم تهتمون و لا تتاخرون و كمان لا تطلعون الجوال قدامها لان ما يعجبها
اول شي شرحها ما ناسبني انا شخصيا فاشتركت مع محمد ندا وكنت اجهز للدرس قبل ناخذه عشان اصير عارفه وش السالفه ، وبالنسبه لها هي جدا متعاونه بصراحه خوفني التقييم انها تحاسب على الواجب الورقي والمشاركه لكن صدمتني عطتني كل شي كامل حتى وانا ما اشارك كثير ، وممكن تعطيكم كويزات بالدروس الي تلخبط بين فتره وفتره . لكن بشكل عام كويسه
من ناحية الشرح عشرة على عشرة مرتبه و توضح كل شي و تلخص الدرس على شكل افكار ف مرا تساعد انك تفهمين و الاسلوب شوي تسلك و ابتسامتها دايم فيك و لا تسالين واجد بالكلاس علشان ما تصول او تنفس عليك الميد و الفاينل ما لها دخل فيها لكن كان الميد شوي صعب هو اللي خسف بالكل الفاينل موييييا و اعمال السنه تعطيك كامل كل شي اذا شاركتي معها و ركزتي