اريج العقيلي

كنت تعبانه وحاضره اختبار (لا يمكن اعادته) ولا راعت ظروفي ابدا, تنرفزني جدا ما اطيقها عقب ذاك الموقف الحمدلله انها طلعت جعلي ماعد اقابلها.

الصراحة الشرح عادي، و اختباراتها تعتبر من متوسطة احيانا تعصب شوي بالاختيارات بس بالتصحيح تعطيك حقك، اختباراتها بشكل عام تعتمد على فهمك للمادة حتى لو من مصادر اخرى، انا شخصيا ما اعتمدت على شرحها وجبت زين، اهم شي تكونون فاهمين و بتمشي الامور. اسلوبها راقي و تعتبر متعاونة الى حد ما بس مو متساهلة، تحضر نهاية المحاضرة غالبا و تبان لك من الشاشة نسبة غيابك ف صدق تعطي كل ذي حق حقه

شخصيتها تحسسك انها جددديه مررره بس انها محترمه الصدق حاطه حدود بينها وبين البنات يعني مب ميانه .. اختباراتها مو سهله ومو صععبه اهمشي لازم تكونين فاهمه اكثر من حافظه .. بالكويزات اذا راقبت ماتساعد ابدددا بس بالميد والفاينل تساعد وضحتلي اشياء كثير واي شي اسالها عنه ساعدتني فيه كانت لطيفه الصراحه.. ماكانت تهتم للتاخير بس انها تحضر نهايه كل محاضره .. شرحها عادي اعتمدت على مصادر ثانيه للمذاكره

مابنزل معها مره ثانيه لان الماده بسيطه مره بس هي عقدتها باسئلتها ويدها ثقييييله ما تمشي ابد وتحب تسوي اسئله عبيطه بالاختياري

صراحه اسلوبها يخليك تستحين تقولين شي مب زين درستني داتابيس ١ وبايثون اشوف اسالتها مب صعب ومب سهله بالنص بس يعني لازم يجيك سوال بالاختبار شاطح بس ابسط حقوقها والله ويارب تدرسني كل ترم احبك دكتوره اريج اذا تشوفيني💖💞💘💕

الصراحه الشرح لك عليه مب افضل شي ، والي يقهر اختباراتها كلها اختياري طبعا بتحسونه اسهل لا طبعا هي لعبتها الاختياري مره تلعب فيهم بشكل سيء

تضيعك وهي تشرح لكن هي محترمه واختباراتها صعبة لدرجة اني شكيت انها حاطته من كورس ثاني

الصراحه شرحها في البدايه كان زين لكن بعض الاحيان تجيب اسئلة اعمق من شرحها الماده سهله لكن الاسئلة كانت دقييقه ، في التشابترز الاولى كانت تشرح زين وبالأمثله والتشابترز الاخيرة احس كان الشرح سريع سريع ومع ذلك جابت عليه اسئله دقيقه عشان كذا كل شي لازم تركزون عليه تجيب اسئلة على كل شي تقريباً و تحط خيارات تلخبط للأسف

نزلت عندها مادتين وفي كل المادتين كان شرحها ممتاز وواضح، النهائي وفي كل المرتين كان الفاينل اسهل من الميد ، حسيت اختباراتها تعتمد على الفهم بشكل اكبر وهذا مناسب لي، واسئلتها يعني مو اسهل شي ولاهي صعبة مره متنوعة، اسئلة البايثون تحتاجين تكونين متدربة وفاهمة كلل شي لأنها احسها تحاول تغطي كل الافكار قدر الامكان وبداتابيس خلوكم فاهمييين، متعاونة ولطيفة وتتقبل الاسئلة، واكيد انزل عندها مره ثانيه، لا تفوتونها بداتابيس 1

فاهمة المنهج جدًا ما شاء الله تبارك الله، مع إن المادة تعتبر شي جديد ومفاهيمه عميقة شوي إلا إنها وصلت لنا المعلومة كويس، محترمة وخلوقة جدًا وتعيد لك ليين تفهمين النقطة قوه