ما أقول إلا الله يسعدك ويوفقك يادكتورة أمينة اسم على مسمى فعلا💙💙💙💙💙💙
احذت معها مشتقات وبالنسبه لي اسهل من دوليه واصول. ميزتها مصادر المادة محدوده سلايدات وبراكتس وشووي كتاب ماتطلع منهم ابدا تدربوا على البراكتس كويس اختباراتها متوسطه لشوي سهله ميد ١ و ٢ يكفيهم مذاكره ٤ ايام والفاينل كان ابسط منهم اعطوا المادة حقها وبتحصلون قريد حلو و فيه بروجكت cme الكل اخذ كامل مو دايم اركز بشرحها لكن لما اركز افهم معها
الدكتورة شديدة جدا في الحضور و تعطي حرمان و انذارات فالحضور جدا مهم معها. بالنسبة للشرح اشوفه حلو تحاول توصل المعلومة قد ما تقدر لكن مو دايم تضبط بس يعتبر شرح حلو. اسئلة الاختبارات مو سهلة يبي لها مذاكرة ولا تكون مذاكرتك حفظ لان اغلب الاسئلة من الفهم لكن ما تطلع من الشرح ولا في اسئلة شاطحه. التصحيح تعطيك حقك بالضبط بدون زيادة ولا نقص محترمة و تفرض احترامها على الجميع مو صعب انك تجيبين القريد اللي تبينه بس لازم تعبين عشانه.
شديدة في التحضير و وقت الدخول
اكثر شخص فورمال بالقسم وبالتعامل معاها تحسون انكم تمهدون لنفسكم بيئة العمل والدرجات تعطي كل احد بالملي حقه
واضحه جدا من البدايه ما احتجت لاي مصدر ثاني للمذاكره،ما تطلع من الي تشرحه، الماده ثقيله نوعا ما ويبيلها تركيز وتدريب، اختباراتها نفس الشي يبي لها تركيز بس مقدور عليها الفاينل كان حلو والماده مافيها الا اسايمنت واحد وسهل مره، ما تطلع ابدا من الي تشرحه، واكثر شي حبيته فيها انها تتفهم الطالبه وماعندها تحيز، الماده تعتمد بشكل كبير على جهد الطالبه غير كذا ان شاءالله تقدرون تجيبون القريد الي تبونه
محترمه ومنظمه وتعطيك حقك بالملّي حتى البونس نظامه واضح عندها بكل الدفعات (لو ماعندك ولا غياب تعطيك درجه ) غير مرنه بالواجبات لو قفلت عليك لو وش ماتسوين ماتفتحها لك غير مرنه بالحضور والانصراف تمشي مثل الروبوت ماشاءالله بالدقّه بكللل شي بالنهاية تخاف الله وماتميز احد على حساب احد وعادله احبها بصير مثلها لو كبرت🤍
الحمدلله كانت يسره التعامل وماشفت منها الا كل خير وصدق تجبرك تحترمينها ممكن اكثر دكتوره حسيتها فعلا دكتوره بالجامعه وتعاملنا ك طالبات مو اعداء وشرحها حلو ومره فاهمه الماده وهي في لفل ثاني مو متعودين عليه اختباراتها مو صعبه بس يبيله تركيز والحمدلله على التجربه الجميله والله ييسر لها امورها مره مريح التعامل معها
شرحها لا يعلى عليه شديدة بالتحضير وترسل انذارات ايميل، بس ميداتها صعبة شوي بالاضافة الى دقة التصحيح بالمقالي، كويسة هي بس شدييي حيلك بالعملي زين. خارج عن الدرجات تعتبر متعاونة بالاشياء الثانية
الصراحة الميدات كانت صعبه مره تنقص على كل شي يعني دقيقة مره بس الفاينل كان مره سهل لانه اختياري