صالح السنيدي

الدكتور محترم ومؤدي لأمانته على أكمل وجه، اذا نزل لك خذ في بالك اثنتين ما يحب الغياب ولا يقبل التأخير، والتقييم ظالمه كلمة حق

شرحه ممتاز وتهمه مصلحتك لدرجة انك يغثك ويمكن تكرهه سبب ذا الشي ، ما يحب احد يغيب ولا يتأخر ويحضر اول المحاضره ويسجل تأخير ،ويحلل المحاضره لدرجة انه عادي ياخذ ربع ساعه بعد ما تخلص، كويزاته متوسطه مافيها شي مره صعب، التصحيح اشوفه جيد ، يهتم لنقطه انك تحاول في السؤال وتجرب وتكتب اي شي يعني حاول تثبت له انك حاولت حتى لو ما عرفت بالمجمل اشوف التقييم ظالمه الصراحه، يعيبه اته مب مرن ابداً يعني مره طلبناه يأجل كويز عشان عندنا ميد مادته في نفس اليوم ورفض،وانسى انه يلغي محاضره الى اخر اسبوع وحنا مداومين

الدكتور ممتاز جداً من ناحية شرح وتعاون مايقصر ابداً ودايم مكتبه مفتوح للطالب لكن يحلل المحاضره مانطلع الا بعد نهايه المحاضره ب ١٠ دقايق اقل شي واذا تاخرت يسجل تاخير وشديد خروج من المحاضرات يبيك تستاذن ومب كل مره بيسمح لك تطلع التصحيح مب دقيق ولا فيه دف يعني معتدل اشوفه كويزاته ماكانت سهله لكن كانت تجهزك للاختبار لان الاختبار يحتاج تدريب كثير بالنسبه لي بخليه اخر خيار

اكثر دكتور مظلوم, يفهمك المادة صح, وتصحيحه عادي بس مايغيب ابد ودايم يطلع على الوقت. لكن حريص على الطالب جدا. نزل عنده وابعد عن عرفان الا اذا عندك مصدر ثاني

الصراحه شرحه ممتاز بس متعب مره بالتعامل وشديد بالتحضير ويجبرك تركز معه، كويزاته صعبه بس بتجهزك للميد

من الغير المعقول ان هالجرثو,م..ة يعتبر انسان

بكل امانه ؟ افضل دكتور درسني بالكهرب من ناحية الشرح ياناس انا متاكد لو ابوك دكتور مايشرح ويبيك تفهم نفسه الله يوفقه ويجزاه خير اسئلة فوق مستوى المادة الصدق مقارنة بالاختبارات السابقة ، شديد بالتحضير اذا تشوف انك سريع فهم وماتحتاج احد قوي مره بالشرح رح لعرفان لكن السنيدي مب خيار سيء ابدا المهم شد حيلك والتقييمات اشوفها تظلمه الصدق

يأخذ المحاضرة كامله وزود، شديد مره بالتحضير والغياب، تصحيحه بايناري يا صفر يا فل المحاضره بشكل عام عشوائيه ينط من موضوع لموضوع واختباراته صعبه غالبا يجيب اصعب سوال بالتمارين ويغير فيه شوي، الحسنه الوحيده فيه انه يحل امثله كثير، اذا هو خيارك الوحيد، الشكوى لله

يعاملك كانك طفل في مدرسه ممنوع تطلع دوره المياه ممنوع تلمس ايبادك حتى لو تفتح السلايدات يحضر باول دقيقه ومايتعاون ابد لو تتاخر دقيقتين يستخدم ماتلاب كثيير مع انه مو مطلووب بالكورس ودايم هو الصح وانت الغلط حتى لو هو غلطان وياخذ من وقت المحاضره اكثر من اللازم

شديد في التحضير و وقت الدخول