تعامل ولا غلطه حبيب ويحاول يخلي المحاضرة ضحك وطقطقه بس لكن درجات بيعطيك حقك نظامي جداً و شرحه عادي إلى جيد
الشرح سيء صراحه وعجزت افهم منه. مقصر كثير بشرح النظري ورغم ذلك يجيب اسئلة نظري صعبة بالاختبار. التصحيح مشترك واغلب الأسئلة يصححها فارزك. التعامل اسطوري واغلب الوقت يكون قاعد يسولف او ينصح ويسحب على الدرس. يحب يسأل كل الطلاب عشان يتاكد انهم فاهمين. تساعد معنا كم مره وكنسل محاضرة التتوريال. اشوفه افضل من فارزيك بسبب انه يتكلم عربي فقط. ولكن الاثنين شرحهم ماش صراحه. خيار ممتاز لو بتدرس مع خصوصي
انا اخذت المادة مرة عند فارزك وحذفته والترم ذا نزلت لي عند محمود الصدق ان محمود يفهمك لو ركزت معاه والامثلة اللي يكتبها ويحلها احياناً يجيب نفسها او شيء مشابه لها وحبيب فالتعامل وهو افضل من تاخذ عنده المادة
الدكتور قمه فالاخلاق والتعامل ويحب اللي يسأله و يركز معه ،الشرح مو مره يبيلك تراجع وتفهم لحالك لكن ركز على الاسئلة اللي يحلها فالمحاضرة لانه يجيب نفس الفكرة فالاختبار، كان هو المنسق و الاختبارات ماهي صعبة و بالنسبة للدرجات اتوقع دفني لاني ما كنت متوقع اجيب هذي الدرجة
الدكتور محمود سليمان مادة هندسة المواد درسني اخلاقه عالية جدًا واذا كان هو المنسق ف الاسئلة ماراح تطلع من شرحه ابد لكن شرحه للامانة وسط يحتاج تراجع كثير ف البيت عشان تفهم الباقي ممتاز ومتعاون جدا واهم حاجه يرد على الايميلات بسرعه
التقييم بدون تعليق
التقييم بدون تعليق
دكتور محمود سليمان احد افضل دكاتره القسم في التعامل والاخلاق اسالته منطقية جدا ومن افكار الكتاب والشرح يبيلك تذاكر وراه لحالك (همك٣٠٤،٣٥٢)
( 254 همك ) دكتور أخلاق جيدة يحاول يتعاون مع الطلاب يهتم بالحضور شرحه بصراحه سيئ أو على الاقل انا ما كنت أفهم عليه هو المقرر للمادة وهو الي يكتب الاسئلة فلازم تكون مركز معه وحاول تكتب أي مثال يكتبه لان بصراحة قد حل أمثلة معنا وجت بنفس الأرقام في الاختبار في المختصر أذا بتعمد على نفسك ويتراجع بشكل يومي فأنصحك تأخذ المادة عنده أما أذا ما حضّرت لدرس فبتلاحظ صعوبة انك تفهم معه
254 شرح متوسط والاختبار مشكلته عدد الاسئلة كثير مقارنة بالوقت ياخد وقت المحاضرة كاملة او اكثر 5 دقائق تعامله بإحترام مع الطلاب في نظري أفضل من مجدي لانه يركز على الاسئلة في الشرح والاختبار اعلبة مسائل وليس نظري