من أفضل الدكاتره الي درستهم بالكليه انسان متمكن جدًا وعنده كم هائل من المعلومات والصراحه هو الوحيد الي حسسني اني بجامعه صح التكاليف كثيره لكن استفدت منها كثير الله يسعده ويوفقه صراحه اتمنى يكون فيه مثله كثيرر بالكليه عشان تصير مخرجاتنا اقوى وبخصوص الماده صعبه وعميقه وتحتاج مذاكره اول باول على ان جاب من الكويز وبرضو شرحه يوضح لك كل شيء المهم والمو مهم فركزوا بالشرح نصيحهه
لازم من اول يوم تنزلين عنده الماده تذاكرين كويس من رأيي الفاينل مره سيء وانا مذاكرة زين ! الميد معقول اكثر
شرحه جميل ما يعدي نقطه إلا و أنت فاهم و لو تسأل عادي يعديها لك و اختباراته واضحه للي يذاكر زين و يحل الكوزات يجيب منها و التجميعات، المقالي يعلمكم بالي بيجي و نهايه الترم يسوي تحسين لكل المدين و المشاركة يحسبها بونس ، الصراحة دكتور أكثر من رائع من شرح و أسلوب و تعاون
اسأل الله في يوم الجمعة ان الله يعسر على كل دكتور يعسر ع الطلبه
يارررب الحمدلله تخطيت الماده رغم انه خسف معدلي لو ادري مستقبلًا فيه دكتور بيعطيها كان م نزلتها الله يكون بعونكم
يحسب الموضوع تحدي كرهت الماده والمسار بكبره بسببه نتوتر اول م ندخل اغلب الاسئلة من شرحه ، الباب اذا سمعه يحضر من جديد ويسأل قبل يشرح احنا طلاب والله ارحمنا
شديد ع الحضور ودقيق جدا اذا سمع صوت الباب يقول مين طلعت واذا فيه احد يبي يطلع لازم يستأذن ! م كأننا بالجامعة وكل واحد مسؤول عن نفسه بطلعاته ! يعني مو معقول استأذن منه بنص المحاضره واقاطعه عشان اروح دوره المياه !اختباراته صعبه والماده صعبه وهو مصعبها زياده ومحتكر الماده م فيه غيره يدرسون نصيحتي لكل احد ياخذ عنده ذاكروا زييين مره وحلو الكويزات اللي يحطها بالبلاك يجيب منها كثير وتساعدكم ومراجعه الاختبار يجيب منها ويحب المشاركه يميز الطالبه اللي تشارك ويختار فجأه وبالاسماء بكل كلاس فخلوكم منتبهين
بعض الدكاتره يبقى لهم اثر عمرك م تنساه م اقول الا الله يعسر ع كل دكتور / ه يعسر ع الطلبة ويحسب م عندهم شغل بالحياه الا هو
اقبح محاضره في الترم يتكلم كثير كثير كثير وكلامه كله مامنه فايده مايعرف يشرح يسالك قبل لا يعطيك المعلومه اصلاً ويتوقع منك تجاوبين وجوابك مهما كان ف هو غير كافي مدري وش يبي الجواب يكون بالضبط محاضرته ضغط تفسي والميدات كانت برا السلايدات يعشق الاسئله ومستحيل يعترف ان وحده جاوبت صح لو عطته جواب بيقول عطيني اياه بطريقه فسيووولوووججييييه
عنده تمييز للطالب الي يحبه واستثناء له حتى اذا كنت متميز عنده، ميزته الوحيده انه يعطيك حقك.