الصدق مب سيء مره، يحب القروب الحريص واهم شي عنده تلتزم بالمواعيد الي بيعطيكم حق تسليم التكاليف. اتوقع هو اكثر واحد فاهم بالماده ف لازم تركز معه اذا جا يشرح لانه بيشرح وش تسوون بالمشروع ، بس مستحيل يأجل كويز او بريزنتيشن او تسليم تتوريال لو عندك خمسين ميد بذاك الاسبوع فحطها ببالك و الي يروح عليه وحده منهم ما يمديك تعيد , وما يعلمك بدرجتك الا لما تروح المكتب بس من ناحية ثانية ، بنهاية الكورس قال سامحتكم كلكم على الغياب و البريزنتيشن ما يدقق ابد الا على السلايدات فقط . ودفنا بالنهاية!!
كنت انا ليدر القروب وصلت الاسبوع الرابع او الخامس اتوقع وانا مدري وش الي قاعدين نسويه بالضبط وكل ماسالته يقول بعدين تعرف (وصلنا الاسبوع الخامس وهو يقول كذا) ويطلب ريبورتات بصفحات كثير ( ماندري كيف لازم نطلّع الشكل النهائي ) ويطلع لنا اغلاط في كل ريبورت نصيحة اذا تبي تضمن B+ وفوق وانت مرتاح نفسيًا كنسله من اختياراتك نهائيًا
دكتور شديد جدًا في التحضير ان تأخرت يغيبك وفيه مره طرد واحد لانه تأخر بالنسبه للدرجات ايضًا شديد فيها طلباته كثيره خذيت عنده هعم ١٠٦ وكان طالب المشروع الاساسي(هذا الطبيعي عند كل الدكاتره) لكن المو طبيعي طالب توتريال نفس المشروع الاساسي لكن بفكره ثانيه يعني حرفيًا كنا نشتغل مشروعين في وقت واحد وكلهم عليهم برزنتيشن وكويزات
٢٥ درجة بيده فقط ويقول انا غير مسؤول عن ٧٥ درجة يقول ٧٥ درجة بيدك انت اخر الترم قال فيه بونص للي يحضر دايم معي ولا عنده غياب البونص درجتين من درجات اعمال السنة الي يقدر يتحكم فيها الي هي ٢٥ واذا ماعطاك فل على سبيل المثال عطاك ٢٢ يقول لو جبت A وباقي لك درجتين على A+ بدفك لها مايرحمك بالمشروع يتعبك لاخر رمق كلما جبت له تقرير طلع اغلاط موب طبيعي بتقول الحمدلله انه ماراح يقيمني وبترحم الي بيقيمهم لانه بيشقهم
الدكتور مظلوم من ناحية التقييم، اول حاجه بيده ٢٥ درجة فقط، ثانيا الكويزات كلها تكرار للسابقه ،ثالثا سهالات عنده الحضور والانصراف، رابعا الحضور عليه ٣ درجات اتوقع او شي زي كذا، خامسا تكاليفه معقوله زي اي دكتور ١٠٦
الترم هذا ما كان عنده الا شعبة وحدة بس واعلى واحد جاب ٤٧ من ٦٠ باعمال السنة، بالنهاية قريدات الشعبة من B الى B+. لان الفاينل كان سهل. تدقيق مو طبيعي على التقارير ويطلبها كل اسبوع واذا جبتها له يقول فيها اغلاط وتروح تعدل الاغلاط وتجيبها له يقول لا فيها اغلاط وعلى هالموال طول الترم. برضو اذا حاولت تتفاهم معه ما يفهم كلامك بسبب حاجز اللغة رغم انه عربي ويزعل بسرعة. يبيك تشارك واذا شاركت غلط يزعل. لكن ايجابياته قليلة اللي هي كويزاته سهلة ومن اختبارات سابقة
الدكتور ما تفهم منه شي ولا هو يفهمك ، واذا تبي منه مساعده او تناقشه بشيء نصيحه لا تضيع وقتك لانه بيجلطك ، ما يعجبه شي يعني تسوي عرض وتتعب عليه وتصحح الاخطاء اللي يقولك عليها ومع هذا يقولك غلط. كانك ما سويت شي ، التحضيىر عليه درجات الميزه الوحيده انه الشدة ذي بتفيدك بالتقييم النهائي الكويزات مكرره
تكمله… الميزه الوحيده انه مب هو الي بيقيم بالنهايه. كويزاته سهله الصراحه كلها اختبارات سابقه. الافكار الي يعرضها لكم ترا صعبه مره واذا عندكم فكره غيرها اختاروها وابعدوا عن الافكار الي تتعلق بتخصصه هندسه كيميائيه عشان ما يستقعد.
من اسوأ التجارب على مستوى المادة وعلى مستوى الدكتور .. ما بلغنا ان فيه درجات على الحضور وكل طالب نقص درجتين ثلاث ، يتعامل بالأنصاص ولا يجبر شيء ، ١٥ اسبوع كانو كابوس ، خصم علينا في كويز البرزنتيشن ، وكان سيء في البرزنتيشن النهائي ونقصنا درجات لوغ بوك وبوستر والتقرير وغيرها طلعت بقريد سيء
درسني الترم الثاني 42 وكان عن بعد الدكتور خيار جيد جداً شرحه جميل نسبياً وتعامله كان متوسط والتحضير طبيعي والتصحيح كان يشد بالكويزات بس بالنهاية يمكن يدفك درجه درجتين