الدكتوره للأمانه ماشفنا منها الا كل خير منظمه ووضحت لنا كل شي يخص الماده من بداية الترم, تحب اللي يتفاعل معها , الشي الوحيد الغريب انها تمنع الجوال اتوقع اننا كبار ومايحتاج تمنعنا بس بشكل عام لطيفه بالتعامل بخصوص الاختبارات كانو اختبارين فصلي وللامانه تجيب من بين السطور لاتذاكرون بشكل بشكل سطحي اقرو كويس وابد اسألتها مب تحدي لاتخافون بالفاينل حطت لنا سوال اضافي كبونس وكان سهل الله يسعدها بالنسبه للتكاليف الاغلب كان جايب كامل خيار جيد اذا ماكانت عندكم خيارات افضل
منزله معها مادة حرة للأمانه ممكن فيه خيارات أفضل من الدكتوره تكاليفها يبيييي لها الصدق وبرضو ميدين واسألتها نوعًا ما دقيقة .. محاضرتها شخصيًا ما استمتع فيها ، فيه سؤال بونس في الفاينل تقول من درجة الى درجتين وأعتقد أنها عطتني أكثر حريصة ودقيقة بالتكاليف
اولاً المقرر جددداً تافه وسهل ف اذا سويتي اللي عليك وذاكرتي بتركيز وحليتي التكاليف بالضبط حسب متطلبات الدكتوره بإذن الله تضمنين ال +A . اما بالنسبه للدكتوره منى تعتبر شديده بس مب مثل تهاويل البنات احسهم بالغو.. عيبها انها ماتسمح انكم تطلعون الجوال بالكلاس وهي تشرح.. ولحد يكلمها عن البونس لانها بتفصل عليكم☺️ . وتراها اعطتنا سؤال بونس الله يسعدها بالفاينل، وترا تدقق بالتكاليف ف تأكدوا انكم طبقتوا كل الخطوات اللي تخص التكاليف اللي بخطة المقرر وبسس اتمنى لكم التوفيق 🤍
الدكتوره عسل مره ، توضح لكم كل بدايه السمستر من ناحيه الدرجات الواجبات كل شي اختباراتها مدين ومو سهله تعتبر متوسطه الفايل نفس الشي بس حطت سوال بونس بدون ما نطلبها فخيار مره جميل
الصراحة ان الدكتورة منى رائعة جدا جدا جدا حببتني في المادة مثقفة مطلعة واعيه مرتب مقررها تخلق لك مساحة لتفكير خارج الصندوق تعطيك الخلاصة المهمة من غير سرد محتوها كانه قصة جميل جدا الله يوفقها وييسر لها واتمنى دايما اخذ عندها
الدكتورة شرحها كويس واختباراتها وسط مع ان المادة سهلة ماتعطي بونس وشديدة بالتأخير اذا تأخرتي ماتحضرك الشي الكويس انها تحذف جزئية الميد من الفاينل تخوف شوي صراحة وهي تتعمد تخوف البنات تمنيت لو انها دفتني عشان اجيب A
الصراحه دكتوره مني من افضل الدكتورات الي مروا علي، ماشاءالله تبارك جدا مثقفه ومطلعه وبتستفيدون جدا منها، من بدايه الترم معاييرها واضحه وترسل ملف موضحه فيه كل شي، ملزمتها واضحه جدا والاختبارات لو تركزين معاها وذاكرتي زين بتحلينها بكل سهوله. التكاليف ممتعه مره انتم بس عليكم تهتمون بالمعايير. جدا تكره تطلعين جوالك بالمحاضره وماراح تعطيك بونس لو تكرر منك والصراحه ماكنت مشكله ابدا والمحاضرات جدا ممتعه
الله يسعدها و يوفقها 💚
جدًا ممتعة وأخذ معاها مليون مرة
راقية وممتعة وتحببك بالمادة وعسل جدًا وأنزل معاها مليون مرة، وبعد بأخذ معاها ثقافي هالمرة جدًا لبقة ورايقة الله يسعدها ويوفقها يا رب، وتعطيكم حقكم فعلًا