البروفيسور عبدالرحمن العوله قامة كبيرة بالجامعه ان لم يكن الاكبر ، انولد بعد افتتاح جامعة الملك سعود بشهرين اثنين فقط ، تخرجوا عشرات الاف المهندسين الي درسوا تحته واخذوا من علمه الله يطول في عمره ، كان لي الشرف باني كنت طالب درس عنده باخر دفعه يدرسها في مسيرته التعليميه ، ما شفنا منه الا الابتسامه والسماحه وسعة الصدر والفائدة العظيمه جزاه الله عنا خير الجزاء
لو غلطت في قيمة وحدة يخصم عليك درجة السؤال كامله حتى لو باقي الحل اغلبه صح
اكثر كلاس ممتع في يومي
الدكتور في التحضير شديد واللي يتاخر يسجله متاخر، وقت المحاضرة يطقطق على الطلاب لكنه اكثر كلاس ممتع، شرحه حليل يسولف كنه يسمّع، المادة ميزتها تجميعات بالذات الميد الاول نسخ لصق اما الثاني والثالث تتكرر لكن يغيرون بعض الأشياء فيها، ركز معه وعلى التتوريال حقه ومذكرة الغارم تفيدك في النظري المعاق في ذي المادة بالذات جدول increasing و decreaseing وامورك طيبة، الدرجات اللي صحح ياسين لكن في المجمل ماقصر الدكتور واشوفه افضل من ياسين لاني حضرت مع الاثنين ( ياسين شرحه يجيب النوم ولا يدف ابد )
دقيق بالحضور, لا تعتمد على شرحه
التقييم ظلم له انت خلك وسيع صدر معه وشارك وخله يعرفك وشد فالاختبارات ومعليك
اذا ما اخذت عند الدكتور عبدالرحمن انت مادخلت كهرب الرجال مادري ليه تقييمه كذا مادري هو تغير معنا ولا ايش بالظبط؟ لكن خفيف دم ومحاضراته عسل عسل عسل مرات اجي عشانه بس كان مخوفني القريد لكن اعطاني حقي وزوووود كل شي كان سهل معه الله يطول بعمره ويسعده
معايير الدرجات غير واضحة
اذا انت طالب مجتهد وتبي درجة كويسه انحش.. اذا انت طالب الافرج حق درجاتك C+ نزلها عنده وانت مغمضضض , الدكتور اسألته بالاختبارات سهله جدا لكن ابن ام ام امك تجيب فيها درجة خاصة سؤال الجدول increasing or decreasing .. ودي اسب والله بس خلاص مادة وعدت
التقييم بدون تعليق