بصراحة من ناحية الشرح هي كويسه مرا وتعاملها كويس بس مزاجي نوعا ما إذا انتي تشاركين وكويسه فالمادة بتصير كويسه معك تحب الدوافير واذا انتي لا ماراح تكون مراعيه مرا وكانت بتحرمني من المادة بس هجيت وكثير بنات اعرفهم على نهاية الستمستر حذفوا المادة وغير كذا فالدرجات ماترااااعي اببددد وعادي تهاوش عشان معدل الدرجات فالاختبار ما أعجبها طيب انتي مفروض تفهمين من الدرجات ان اختبارك صعب
هي اخلاق و رائعه بس مادتها مرعبه كابوس درست عندها Linguistics صح الماده صعبه بشكل بس اسئلتها اصعب بكثير مادري من وين تجيبها !! يعني ودي انها تاخذ من السلايدز اهون شوي لانه الماده تعتمد على الفهم و الحفظ اذا ما فهمتي مارح تحفظين ابدًا لكن تعتبر هي افضل من يدرس هالمقرر
أخذت مع الدكتورة ماده لسانيات بس ما تعتبر مقياس لان المادة اصلا صعبه .. بس تعتبر افضل شخص يدرس هذا المقرر شرحها ممتاز وتفهم صح وتشرح بالامثلة لو طلبتي وكانت تفتح لنا قبل كل اختبار كلاس اونلاين مراجعه ودايم تذكرنا بالمذاكره والمراجعة وتفهمنا ان المادة تحتاج جهد بالنسبة لي عن تجربة الى الان .. افضل وحده تدرس مقررات اللسانيات في الشرح رغم صعوبتها الى انها رائعة في توصيل المعلومة
اللي بتذاكر وتركز بتجيب A+ بسهوله لانها تحب اللي يكون مركز ومهتم والماده اصلا صعبه تحتاج منك تركيز وفهم وشرحها فوق الخيال شرح من قلب وتعيد لك اللي مافهمتيه من ناحية الدكتوره والله كويسه ويسره وتسهل الماده بس شديدة شوي بالميدات يبي لها مذاكره كويسه
الله يسعدها يارب على كثر ما تحاول توصل المعلومة بكل سهوله اخذت اغلب مواد اللنقوستك معها مررههههه تفهّم وتخليك تحبين كلاسها ولا تحسين بالوقت بس لاااازم تكتبين كل شي تكتبه على السبوره لانه بيفيدك بالمذاكره Ms. Dana if you see this thank you
تعطيك حقك بتركزين بتجيبين درجه كويسه غير انها كلاسها ممتع والماده تحسينها موب ثقيله لانها تشرحها وتبسطها بطريقه ممتعه الله يسعدها ويوفقها انسانه عسل وذوق 🤍🤍🤍
عسل عسل عسل لا تترددون انكم تنزلون عندها هو اخلاق هو شرح وحقانيه بالدرجات واختباراتها سهله اذا ركزتي وسجلتي معها ملاحظات بتاخذين +A بالراحه الله يسعدها من افضل الدكتورات اللي مرو علي❤️
عسل عسل احسن دكتورة اخذت معها😔♥️ شرحها واضح وسهل مرة وكلاسها جدددًا ممتع لدرجة ما احس بالوقت. الله يسعدها ويوفقها
عسل عسل في تعاملها متعاونه جدًا بس ركزي معها واكتبي نوت اهم شي عشان يسهل عليك المذاكره والفهم
للامانه كانت تعطينها اختبارات الايلتس كأننا فاهمين واسئلتها صعبه مره مره حتى لما كانت تسألنا تنقصنا على القرامر بالنطق رغم اننا نعدل الخطأ بعد ما نقوله مباشره الا انها تنقص