اخذت معاها نحو 1 كنت متخوفه من الماده لاني اكره النحو بس الحمدلله سهلتها علينا الله يسهل عليها تسوي مراجعه قبل الفاينل ويجي منها كثير ركزوا معاها وقت المراجعه وتعطي بونس بس مشكلتها شرحها مب مره وتتأخر كثير ماتلتزم بالمواعيد لكن عسسسل الدكتوره الله يسعدها ويوفقها يارب نزلوا عندها بدون تردد🩷🩷
الحلو فيها أنها تسوي اختبارات تحسين وتعطي بونس حلو،بس مشكلتها تسحب شوي وماتلتزم كثير بمواعيد المحاضره وتشرح بدون ماتقول الصفحات فاتضيعين شوي ،بس صدق الدكتوره هذي أخلاق وتخاف ربي .
معليش الدكتورة جربتها لسانيات ونحو مراجعها دسمه وخصوصا النحو كتاب ودسم صح تدف بأعمال السنة وتعطي كويزات تحسين ولكن مقلب مدري على ايش المدح وباللسانيات تتأخر تجي بعد نص ساعة ما انصح فيه اسهل منها بالنحو بس
الله يسعدها يا ربّ ويجزاها خير،دكتورة راقية،وتعاملها عسل🤍💘
اذا ركزتي بتحلين زين في الاختبار
الدكتوره عسل و تراعينا بالدرجات أخذت عندها نحو شرحها حلو بس اختباراتها صعبه شوي ، تعطي بونس واختبارات تحسين
عسل الدكتوره بشكل م تتصورون رغم ان الماده ثقيله لكن تسهلك اياها عموما الماده تحتاج منك تكتبين اي ملاحظه تقولها بالكلاس وانتي لنفسك اكتبي اي شرح م تفهمينه والتكاليف سهله ججداً والاختبارات نسخ لصق من التجميعات ونقطه كمان قولوا لها تراجع لكم قبل الاختبار لان حرفياً تجيب اي شي تقوله بالمراجعه وبس حليله ولطيفه مرا الله يسعدها وين م كانت
بنات الي تنزل لها مادة معها لاتخاااف ترا التقيم ضالمها اخلااق مره الدكتورة ومتعاونة وتتفهم بنات الإعلام بس انها تكرررره احد يدخل بعدها ممكن لأنها هي تتاخر بما فيه الكفاية بس انا اول مانزلت لي معها خفتت من التقيم بس عسل الله يسعدها
جربتها نحو ولسانيات تنحط على الجرح يبرى 🤍 دكتورة عسل خلقًا واخلاقًا متعاونة متعاونة أقدر أقولك أنك ماراح تقابلين أحد متعاون كثرها، الميد تيرمز صراحه تعتبر متوسطة لكن تساعدك بعدها بالبونس وتحاول قد ماتقدر تدف. عسل وبس وأرجع أخذ عندها اكيد. الدرجات كانت ميدين + واجبات بكل المادتين.
الله يسعدها ويوفقها ويسخّر لها، فنانة تهبل ومتعاونة جدًا وسمحة.