والله وبكل امانه أنا كنت اكره النحو مره ، ودخلت معاها وحسيت بضياع اول مره بس يشهد الله دفتنا وتعاملت معنى كويس مره إنسانه متفهم الله يسعدها يارب ويسخر لها والله اني ادعي لها طلعت ب قريد كويس رغم اني كنت ما احبه ولا أتقبله ،
مره عسل وربي يزعل تقييمها اختبارتها جدا سهله وواضحة ولا تطلع أبدا عن أمثله الكتاب واسئلتها تجنن مره ودكتوره متعاونه ومحترمه وجدا متفهمه وطيوبه الله يوفقها أتمنى ادرس معاها مره ثانيه😢🤍🤍🤍🤍🤍🤍🤍🤍🤍
الصراحة متساهله بالحضور وكمان التكاليف بسيطه لكن ماعندها مرجع نذاكر ع بركة الله شرحها يحتاج زيادة بس مو سيء الفاينل خسفف فيني داخله أ+ طار قريدين او ثلاثه ولو انحد لها مره ثانيه ما اخذت ابدًا
صراحة التعليقات عليها كان مبالغ فيها، عمومًا لاحظتها دكتورة رحومة وتتفهم في الحضور والانصراف(محاضرتنا كانت 8 الصبح) وما تاخذ وقت المحاضرة كامل ومافيه لها الا تكليف بسيط تصحيح نحوي ومشروع عرض
اولاً هي ببدايه الترم خلت البنات يسوون عرض يشرحون الدروس وقسمتنا مجموعات علشان نشرح، بعدين لما يخلصون البنات من الشرح تبدأ هي تشرح لنا وتشرح الدرس وهي جالسه على الكرسي وتتكلم فقط واحسها تشرح بشكل سطحي جداً ، وانا اشوف انه مره مهم ان الدكتوره تشرح على السبوره وتكتب بيدها وتوضح اكثر ومو بس كلام وهي جالسه ، وبعدين بنص شرحها تتدخل في مواضيع خارج اللغه العربيه ومالها داعي الصراحه . واختباراتها كان مستوها وسط ، كانت اختياري وصح وخطأ ومقالي، الشيء الكويس انها اعطتنا درجتين بونس.
الدكتوره صدق صدق تهبل وتعطيك بالتكاليف كامل ولا تحسابك على التأخير اذا اضطريتي وزياده في بونس نهايه السمستر الله يسعدها الافضلللل
الميد كان صعب نقصنا كثير وبعدين عطتنا بونس 5 درجات الله يسعدها والتكليف كان مره سهل
المتطلبات جدا قليله تقريبا واجبين او ثلاثه ومن الكتاب ، مرنة جدا في التعامل وتتفهم ظروفكم في تأخير الحضور او التسليم ، الله يسعدها كنت متخوفه من الماده بس حمدلله مره كانت متعاونه ❤️❤️
اولا الي تنزل لها الدكتوره تنحاش التحضير تحضر قبل وقت المحاضره بدقايق😵💫😵💫!!! وتحط لك تاخير قبل الوقت الاسااسي ! وما تشيل التاخير الا اذا شاركتي معها والاختبار حقها كان صعب وكان مقالي وصح وخطا واختياري مره ما حبيت مستواه مره سيء وفوق ذا ما عطتنا الا درجتين بونس والاختبار نقصنا فيه كثير ما يقارب 7 درجات واكثر محد عندها اخذ كامل + الشرح ما تشرح جالسه على الكرسي وتسولف عن القبايل ومادري ايش وع وع
الميد كان صعب بس عطتنا بونس ٥ درجات الله يسعدها و يوفقها والدكتوره تعاملها يجنن بس جهزوا للاختبار زين لانه الماده يبي لها فهم كويس وفيه واجبات طلبتها مننا و ايضا عرض نقدمه و كلهم كانوا سهلين الحمدالله