الدكتور حبيب لكن يفصل واجد على اشياء تافهة فحاولوا تمشون سيده معه كشرح رهيب وعن نفسي ما احتجت لخصوصي اكتفيت بشرحه وسلايداته كتحضير لا تجي بعده ابدا بيسفل فيك كويزاته سهلة وبيعطيكم 4-5 كويزات ويجيبها غالبا من التتوريال بالنسبة للدف يمكن يدف ابو درجة درجتين بالكثير
الدكتور شرح رهيب جداً ومسهل لك المادة لأبعد حد قضية الجضور بدري والتأخير إذا بتلتزم بها نزل المادة عنده
ما اعلق عادةً في unirate، لكن الدكتور هذا افضل دكتور مر علي من بداية دراستي للجامعة، لا من شرح ولا اسلوب وكل شي لكن شديد بالتأخير ولسبب مقنع، التزمو بالحضور المبكر و والله ماتشوفون الا الخير منه شكرًا لك يالقوت 🩵.
الدكتور عبدالرحمن جعله ووالديه بالجنه من افضل الدكاتره الي بيمرون عليك بالجامعه من كل النواحي ، انسان راقي جدًا وحبيييييب وفلاوي ما يحب الكلاس حقه يكون ممل وشرحه مرح تلقى احسن منه يكفيك عن اي مصدر ثاني اذا بتركز معه ، بالنسبه للتصحيح بالاستاتيكا مشترك فما بيده شيء غير الكويزات ويده خفيفه مره فيها + ياخذ احسن كم كويز ويراعي الطلاب اذا عندهم اختبارات ما يحط كويز الله يسعده ، منقهر ان الدكتور مرح يدرسني ثانيه بحكم انه بقسم المدني يا حظ الي يدرس عنده والله
الدكتور من ناحية الشرح ممتاز متمكن من المادة من ناحية التعامل الدكتور مزاجي جدا ممكن يجيك يوم وهو في قمة السعادة بس يدخل طالب متاخر ينفس شديد من ناحية التصحيح يقدس التحضير انتبه تتاخر عنده
الرجال شريح ومتمكن من المادة شرحة اسطوري بشكل لا يوصف لكنه مزاجي بشكل مو طبيعي تحضر مرة تكون المحاضرة ممتعه ومرة تكون متوتر طول الكلاس, شديد جدا جدا بالتحضير وما اتوقع انه يدف ابدا, سلايداته جيدة نوعا ما لكن المسائل اللي فيها جدا بسيطة وسهله ماتخليك تستعد للاختبار, و يده خفيفه مرة
الدكتور من ناحية الشرح والله شريح بس بعض الاحيان الامثله اللي يحطها بالسلايد سهله تعتبر لكن يجتهد بالشرح ماشاءالله وعادي يعيد النقطة اللي يشرحها اكثر من مره حتى يفهم الطالب ومن ناحية التعامل محترم جدا بس تحسه هجومي نوعا ما ومن ناحية الدرجات والتصحيح مره كويس ومتساهل شوي من الاخير يعطيك حقك وزود
الدكتور محترم وشرحه ممتاز جداً ويتقبل الاسئلة حتى لو كثرت، مشكلته العصبية الزايدة وبالاخص بداية الفصل بالنسبة للجوالات والتاخير عن الحضور.. ممكن يعطي كويز وواجبات اذا انزعج منها
كويس والي يحضر عنده ويشارك يساعده
التقييم بدون تعليق